شنو هي شي حااجة لي زويينة بزااف فحيااتك؟

فكر معايا داباا فشي حاجة لي نتا ممتن ليها و حاامد الله و شاكروا عليها. 

عاارف بلي كااين بزااف ديال لحواايج لي خايبين و باغيهوم يتبدلوا فحياتك. و لكن داباا بغيتك تركز معاايا فلحواايج زوينين. 

تا أنا شحاال هاادي كانوا عندي بزااف ديال لحاجات لي خايبين:

كنت جاالس فالداار ماخدام ما والو، كنت ديجاا شديت الإجازة و قلبت على خدمة و مالقيتش، و لخدمة لي لقيت جراو عليا منهاا، بديت التجارة الإلكترونية و مشاات من يدي بسبااب كورونا، بقيت جاالس فالداار و كنت تنحس برااسي عالة على مالين الداار. 

و كانوا أي حااجة تيقولوها على لخدمة - زوينة ولا خايبة - كاانت تاضرني فخااطري. بحاال يلا نتاا ديجاا عندك واحد الجرح فيديك و تيجي شي وااحد تيقيصك فيديك، فين كاان داك الجرح. 

راه ديك لبلااصة غاادي تضرك، مااشي حيت داك الشخص قااسك، و لكن حيت ديجاا عندك واحد لجرح لي ضاارك. 

هكااك كنت و عاايش فواحد العداب نفسي لي نتمنى ماتكونش عشتيه. و يلا كنتي عاايشوا و مجربوا ديجاا، عرف بلي يمكن ليك التغلب عليه. 

اناا فداك الوقت يلا جاا شي حد و قاليا شنو هي شي حااجة لي زويينة فحيااتك و حاامد الله علييها، كنت غاالباا غادي نسب مو. حيت فديك لحالة النفسية، دمااغك تيخليك تشوف غي لحوايج لي خايبين. 

و لكن تنأكد ليك بلي كااين شي حاجات لي يمكن تحمد الله علييها، بحاال: 

🔵واليديك يلا كانوا باقيين بالحياة

🔵أصدقااء لي عندك

🔵مزال عاايش ( و ماحدك عايش تقدر تبدل أي حااجة فحياتك) 

🔵لمااكلة لي تتلقى فوق الطبلة

🔵لقرااية ديالك ولا الخدمة ديالك لي ناس خرين ماعندهومش

🔵الصحة ديالك لي حااجة مهمة بزاااف

🔵اولا حاامد الله حيت تتقراا هاد لبوسط 

و مااشي بالضرورة تكون شي حااجة لي كبيرة. 

خااصنا نحمدوا الله على أبسط الأمور ( و فنفس الوقت نطلبوا و نطمحوا للأحسن) 

و شحال ماحمدنا الله و كناا ممتنين لهادشي لي عدناا، إلا و السعادة ديالنا أتزيد كتر. 

فلبوسط الجااي غاادي نتعمق فهاد لفكرة كتر. 

🔴لي ديروا داباا هو فكروا ف 3 ديال الأمور لي نتوما ممتنين ليهاا. و فاش تلقاوهوم، جلسوا و حسو بيهوم فقلبكوم مزياان. 

مااشي تقول حمد الله على هاادي و هادي و هاادي، و تدوز بالزربة و لكن جلس و حس بيها مزياان فقلبك و تخاايل حيااتك كيفااش أتكون بلا بيهاا. 

ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم السبت الجااي فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️