كيفااش تبداا نهاارك بسعادة كتر؟

قوليا، فااش تتفيقوا فالصبااح، شنو هي أول حاجة تاديرها؟ 

وااش تتفيق بكري مع 7 قبل ماطيلي يصوني، و تتنوض و نتا مرتااح، تتغسل وجهك، توجد لفطور، دير رياضة، تقرا القرٱن، و تتبداا نهاارك و نتاا فرحاان و مستعد أنك تحقق أحلامك؟

أولاا، تتفيق من النعااس و فيك نعااس كتر من لي كان فيك قبل ماتنعس؟ و تتبقى تزيد 5 دقايق فالمنبه كل مرة؟ و تتجيك تقيلة تنوض من لفراش ... و حتى يلا وقعات "معجزة" و نضتي تتكون عياان، رااسك ضاارك، و ماباغي تهضر مع حد ... و فاللخر تادخل لواتسااب و تتلقى شي حااجة لي تقلقك و تيدوز النهاار كولو خاايب عندك؟

أناا شحاال هاادي كنت ديما تنوض و أناا معدب و كااره رااسي، حيت فاللحظة لي تانفيق فيها من النعااس دمااغي تيبداا يفكر فگااع المشااكل عندي. 

حمد لله هادشي كولوا تغير داباا، و ليت صرااحة بحال داك الوصف الأول لي كتبت. 

و ضمن الأشياء لي عاوناتني نتبدل و نولي تنفيق مزياان هو أنني تنعرف كيفااش نبداا النهاار. 

"الروتين الصباحي" ديالك عندو تأثير كبير على كيفااش نهاارك غادي يدوز. و يلا ستاغليتيه مزياان غاادي تطلع لمورال ديالك، تزيد من الإنتااجية ديالك،تحسن صحتك الجسدية، تزيد من الإبدااع ديالك، و تبني عادات جيدة فحيااتك. 

يلا هادشي عجبك، ها واحد الأمور لي تقدر تدخلها فروتينك الصباحي:

🔵الإمتناان: فااش تفيق فالصباح، فكر فگااع الأمور لي حامد الله عليها. و هضرنا على هاد للقضية بتفصيل كبر فٱخر بوسط. 

🔵القراءة: كل صباح قراا شي حاجة لي غادي تعطيك طاقة إيجابية: بحال شي كتاب على التنمية الذاتية، إقتباسات تحفيز، ٱيات من القرٱن، اولا لبوسطات ديالي. 🐸💓

🔵ختار أهدافك لليوم: فكر فشنو هوما الأمور لي باغي تحقق فداك اليوم -صغار ولا كبار- و هكاا غادي تكون عندك واحد لحاجة إيجابية لي باغي تخدم عليها فداك النهار. 

🔵تدوين الأفكار ديالك: كتب اي فكرة لي عندك فبالك ولا كيفااش بغيتي هاد النهاار يدوز. هاد لقضية يمكن ليك تديرها حتى بالليل. 

🔵الرياضة: حرك الجسد ديالك واحد الشويا. مااشي بالضرورة شي حاجة لي قاصحة، و لكن أي حركات رياضية بساط باش تبدا نهارك. 

🔵التأمل: هادي بالنسبة ليا أحسن حاجة و غاادي نهضر عليها بتفصيل كتر فلبوسطات الجاية. 

🔴مااشي ضروري تدير هادشي كلوا. فقط ختار حاجة وحدة لي تجيك سااهلة و بدا بيها من غداا. 

بدا الصباح بشي حاجة إيجابية و غادي تلاحظ التأثير طيلة اليوم ديالك. 

ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم الأربعاء الجااي فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️