شنو تتعرفوا على الوضوء!

يقول الله تعالى: «يا أيها إذا قمتم إلى الصلاة فإغسلوا وجوهكم و أيديكم إلى المرافق و أمسحوا برءوسكم إلى الكعبين». 

هاد الٱية لي ذكرت نزلاات و بينات بلي الوضوء رااه ضروري للصلاة. و فهاد لبوسط، غاادي نهضروا على أمور مختلفة، متعلقة بالوضوء.  

1️⃣أولا، شروط الوضوء: الإسلام، العقل، التمييز، و النية. يعني يلا كان الإنسان كاافر، مجنون، صغير ماتيميزش ولا نوى أنه يغسل و يتبرد مع راسو، فراه الوضوء ديالو غير مقبول. 

و من الشروط الأخرى هي أن الماء يكون طاهر، سبقوا استنجاء، و ان الشخص ينزع الأشياء لي غادي تمنع وصول الماء لمناطق الجسم. 

2️⃣ثانيا، فروض الوضوء: غسل الوجه كاامل ( داخل فيه المضمضة و الإستنشاق)، غسل اليدين إلى المرفقين، مسح الرأس (داخل فيه الأذنين)، غسل الرجلين مع الكعبين، الترتيب (يعني يتبع الترتيب لي ذكرت)، الموالاة ( يغسل الأعضاء بشكل متابع) 

🔴هاد الفروض مذكورة فسورة المائدة، فالٱية 6. فالنهاية ديال الٱية تيقول الله: «مايريد الله ليجعل عليكم من حرج و لكن يريد ليطهركم و ليتم نعمته عليكم لعلكم تشكرون» 

أي أن الوضوء شرعوا الله بااش يطهرنا من الأوساخ و حتى من الخطايا فنفس الوقت. 

3️⃣ثالتا، سنن الوضوء: السواك، غسل الكفين 3 مرات قبل غسل الوجه، البدء بالمضمضة و الإستنشاق قبل من غسل الوجه (و يبالغ الإنساان فيهوم من غير فااش تكون صاايم🐸)، تدخل المااء فاللحية الكثيفة و بين أصابع اليدين و الرجلين، التياامن (تسبق ليد ليمنية على ليسرية فكلشي)، تغسل 3 ديال لمراات فالوجه، اليدين، و الرجلين. 

🔵السنن: هي الأمور لي مااشي مفروضة ديرهاا، و لكن عندك الأجر يلا تطوعتي و درتيهاا. 

4️⃣نوااقض الوضوء: بالنسبة لنواقض الوضوء، كااين أمور لي معروفة عند الكل، بحال الخاارج من السبيل (الغائط، البول، دم الإستحاضة، المني، او المذي). زائد، أن النوم كذلك تيبطل الوضوء ديال الشخص. 

و كااين أمور لي تتنقض الوضوء و لكن مامعروفاش عند جميع الناس بحال أكل لحم الإبل ( كليتي شويا ولا بزااف منو، لحم الإبل تينقض الوضوء ديالك). النبي صلى الله عليه و سلم قال« توضؤوا من لحوم الإبل» و كااين أحاديث مختلفة على هاد المسألة. 

🔵و كااين أمور عااود لي فيها إختلاف. مثلا، الأمور لي تتخرج من الجسم بحاال "الدم، التقية، و الرعاف". كااين من العلماء لي تيقول هادي تتنقض الوضوء و كااين لي تيقولك لاا.

 الأغلبية ديال العلماء تيقولوا عاادي ماكااين لااش تعااود الوضوء فهاد الحالات. و لكن لي بغا يعااود و يخرج رااسو من هاد الإختلاف، أتكون حسن ليه. 

خلااصة: 

⚪الوضوء عندو شروط ديالو لي اي وضوء غير مقبول بلا بيهوم، فرائض لي أي وضوء نااقص بلا بيهوم، سنن لي الوضوء غاادي يكون حسن بيهوم، و نوااقض لي الوضوء تيخصوا يتعااود فحالتهوم. 

غداا إن شاء الله أنهضروا على أمور متعلقة بالغسل، إزالة النجاسة، و الحيض و النفاس. 

بييييييس ✌️🐸