كتاب "الفقه بالدارجة" 👇👇👇

https://drive.google.com/fiqh_bdarija

مستعدين تحسنوا علاقتكم مع الله؟

واجدين تعلموا كتر على الدين ديالكوم! 

السلام عليكم و رمضان مبارك للجميع

مع دخول شهر رمضان قررت اني ندير مبادرة فهاد الشهر بحال لعاام لفاايت لي غاادي تعاوناا نتفقهوا كتر فالدين ديالنا و نقويو الإيمان ديالنا و علاقتنا مع الله. 

العاام لفاايت كنت نشرت ملخص ديال السيرة النبوية، و هاد السنة غاادي نشر مجموعة ديال لبوسطات طيلة شهر رمضان لي متعلقة بالفقه.  

هاد لبوسطات لي غادي نشر غاادي تعطيكوم معلومات مختلفة و مهمة متعلقة بالفقه الإسلامي. غاادي نبدااو بفضل طلب العلم و التفقه فالدين، و غاادي نهضروا على فقه العبادات لي غادي تشمل: فقه الطهارة، الصلاة، الزكاة، الصيام، الحج. 

و يلا بقا الوقت غادي نتحدثوا حتى على فقه المعاملات في الإسلام، النكاح، الطلاق، الإرث و غيرها من الأمور لي مهم على كل مسلم يكون ملم بيها. 

غاادي نحااول ما أمكن نخلي بوسط قصير، بسيط، مفيد و ممتع و يعاونكوم تفهموا التطبيقات ديال الإسلام فحياتنا اليومية. 

تنٱمن بأن معرفة فقه العبادات هي جزء مهم فحياتنا كمسلمين و  غادي تقربنا كتر و تقوي علاقتنا مع الله سبحانه و تعالى. 

المرجع لي غاادي نخدم فهاد لبوسطات هو كتاب "الملخص الفقهي" للشيخ 'صالح بن فوزان'. هاد الشيخ سعودي تيتبع المذهب الحنبلي و لكن فكتابته لهاد الكتااب تقصى مذهب الدليل و حرص على تقصي الدليل أينما كان بدون التعصب لأي مذهب. هذا هو السبب لي خلاني نختار هاد المرجع زائد أن الكتااب مبسط بشكل كبير و يمكن لأي واحد يفهموا بسهولة. 

صوو، وجدوا راسكوم و استعدوا لشهر ديال المنفعة و التفقه فالدين. نتمنى أنا هاد لبوسطات ينفعوكوم و أي فائدة لي خديتو فهي بفضل الله، و أي خطأ أو نقص في الشرح، التدقيق، التوصيل فهو مني. 

لبوسطاات غاادي يكونوا كل نهاار بعد صلاة التراويح إن شاء الله. 

نتلاقااو غداا إن شاء الله أول منشور على فائدة التفقه فالدين. 

بيييييس ✌️