كيفااش تغير حيااتك ف 10 دقاايق؟ - الجزء الثااني

فالجزء لي سبق قلت ليكوم بلي بصح هاد 10 دقايق تقدر تغير حياتك، يلا مارستي فيها التأمل. 

و لكن شنو هو المقصود بالتأمل؟

بإختصار، التأمل هو واحد العملية ذهنية لي فيها الواحد تيعلم دماغو أنه يكون كالم، بااش يحقق واحد الوضوح ذهني، و راحة نفسية. 

و عندو بزااف ديال الفوائد، بحاال أنه تيسااعدك: 

1️⃣تنقص من الستريس و القلق

2️⃣تحسن من النوم ديالك

3️⃣تطور من قدرتك على التركيز و الإنتاجية فالعمل

4️⃣تيعااونك تحكم فالمشااعر ديالك بشكل كبير

5️⃣تيقوي المناعة ديالك. 

6️⃣تينقص من الإكتئاب

7️⃣تيحسن علاقتك بالنااس. 

8️⃣تيعاونك تحل المشكلات. 

9️⃣و تيخليك سعيد بزااف فحيااتك

🔴و هاد الفوائد لي ذكرت، عندها أبحاث و دراسات تاثبتها. ماشي غي رأي شخصي. 

و لكن واخاا عندها هاد الفوائد و فوائد كثيرة، بزااف ديال النااس ماتيبغيوش يمارسوها بسبب شي أفكار غالطة. 

كااين لي تيقولك أنا ماغاديش نعرف نسكت الأفكار من دماغي فخطراا، ولا اتضيع ليا الوقت، ولا صعيبة. 

و لكن بالعكس، راه ماشي الهدف هو تسكت الأفكار فخطراا، و لكن تفهم عقلك و الأفكار لي تيدورو فيه. و عوتاني، راه ماتضيعش الوقت، تتعطيها غي 10 دقايق فالنهار و قل عاد و تتنفعك فحيااتك. و ٱخر حااجة، التأمل راه أسهل حاجة حيت تاديرو و نتاا جالس ولا متكي فبلاصتك. 

واحد لمرة كنت لحت منشور عليها فمجموعات ديال لفايس، و بزااف ديال النااس تما بدااو تيخربقوا. كااين لي قالك هذاا كفر، و هادشي حرام، و كااين لي خرجني من الدين، و كااين لي بداا تيعااير. و المشكل لكبير هو أغلب دوك الناس تلقاهوم ماعارفين حتى أركان الإسلام ولا نواقض الصلاة. 

أنا ماغاديش نعطي واحد الحكم ديني و نقولك حرام ولا حلال. كل واحد يقلب راسو فهاد المسألة و يدير لحاجة لي مقتنع بيها فاللخر. 

لي غادي نقولك هو أن التأمل فادني فحياتي كتر من أي حااجة تقريبا. 

التأمل لي أنا تنماارس، تنتبع واحد التسجيل لي راه باللغة الإنجليزية. عليها ماعنديش شي واحد باللغة العربية لي متبع ديجا و حسيت بالفوائد ديالو و نقدر نصحكوم بيه. 

هناياا فين غاادي تعتمدوا على راسكوم و تجتاهدوا شويا. 

🔴دخلوا ليوتيوب و كتبوا كلمة التأمل و غادي يخرجوا ليكوم بزااف ديال الڤيديوهات و ختارو نتوما لي حبيتو. 

ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم الأربعاء الجااي فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️