كيفااش تغير حيااتك ف 10 دقاايق؟ كيفااش 10 دقاايق يمكن تغير حيااتك؟

تقدر تكون قريتي هاد السؤال داباا و قلتي مع رااسك: "لا صاافي، هاد السيد غاادي يبداا يدخل و يخرج فلهضرة و يقول لييا كيفااش نغير حياتي گااع" 

و لكن، و الله شاهد بلي هادشي لي غادي نقول كااين، و يمكن ليك تغير حياتك ( النفسية بطبيعة الحال) ف هاد ل 10 دقايق يلا إلتزمتي بهاد لحاجة لي أناا بعداا غيرات لييا حياتي. 

قبل مانقوليكوم شنو هي، أنعاود ليكوم واحد القصة و لحظة من حياتي لي خلاتني بصح نعرف رااه بصح تبدلت بزااف. 

هاادي كانت ف 2021 و بالضبط خلال التكوين ديال الأساتذة. فاش تتقبل فالتعليم، تتقرا واحد العام على كيفااش تقري المادة ديالك. 

و هذااك كان عاام زويين بزااف: قريت ففاس و شفت مدينة جديدة، قريت مع نااس لي طوب فجميع الجوانب، و عشت لحظات زوينة. 

نقدر نقول بلي العام كان مثالي من غير واحد لحاجة بسيطة. 

فالإدارة ديال المركز ففاس، كانت واحد السيدة لي يمكن جابوها باش تخليك تكره حيااتك.

كنت واحد المرة مشيت عندها فشهر 1 على قيبال شهادة مدرسية باش ندفع لواحد لبطاقة ديال طران. كنت تندير لاناڤيط و بغيت ديك لبطاقة باش نبدا نخلص قل فالطران. 

مشيت عندها فاللول ديال شهر 1، و قالت ليا بلي المسؤول لي غادي يسني عليها ماغاديش يكون سيمانة، قلت ليها ماعليش سيمانة لي من بعد نجي نديها. جيت من بعد سيمانة، مابغاتش تعطيني الشهادة قالت لييا رااني مشغولة و قالتها و هي تتهز و تتقولك نااري اتجيني السخفة بالخدمة و مرضااتني، و واحد الصوت فعقلي كان تيقولي "صرفق دينمهاا، صرفقها، صرفقهاا" 

و لكن مشيت بحالي و كنت انرجع من بعد سيمانة. 

سيمانة من بعد، كان إضراب و مامشيتش نقرا. و فاش داز الإضراب ماكنتش تنلقاها فالبيرو ديالها. 

من بعد، مشيت عندها و عوتااني مرضااتني، و لكن هاد لمرة داك الصوت لي كان تيقولي "صرفقها، صرفقها، صرفقها" ماكاانش حااضر. و فديك اللحظة حسيت بلي الوقت ولا تقيل و حبس. 

و جااني واحد الصوت ٱخور فعقلي"و قالييا رااه يمكن تكون مريضة، يمكن تكون بصح مشغولة، يمكن تكون بااغي تعطيك هاد الورقة و لكن مااشي لخاطرها" و حسيت بواحد الطمأنينة فشكل. 

واخا ماخديتش داكشي لي باغي، مشيت و أنا فرحاان و مرتااح بزااف من النااحية النفسية. 

نسيت مانقول بلي فلول فاش مشيت ندفع لديك الشهادة، ماكنتش دااير لكمامة فوجهي و هي بداات تتغوت و تتقول"نااري كوروناا، نااري اتقتلني" 🤣🤣🤣

مهم، فاللخر گااع خديت ديك الشهادة و خديت داكشي لي بغيت. 

و بقيت مرتااح نفسيا. 

فالمااضي كنت غاادي نصعر، و نغوت و ندابز معاهاا. و لكن من بعد ما وليت تندير "التأمل" وليت تنتصرف بطريقة أخرى. 

تحيد مني ستريس و الغضب و شحال من حاجة. 

عاارف بلي بزااف ديال النااس عندهوم فكرة خاطئة على التأمل، و فلبوسطات الجااية غادي نهضر على دوك الأفكار الخاطئة و نوريكوم كيفااش تدخلوها لحياتكوم. 

ديجاا طولت عليكوم فهاد لبوسط صو غادي نحبس هناا. 

ليوما ماكااين لا تمارن لا والو، و لكن بغيتكوم تكتبوا فالتعاليق تجربتكوم مع التأمل و واش جربتوه من قبل. و من بعد انقوليكوم كيفااش تبدااو تمارسوه بسهولة فحياتكوم.

أنشوفكوم الأربعاء  الجااي فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️