أحكام سجود التلاوة، حضور النساء للمسجد، و صلاة الجمعة. 

1️⃣سجود التلاوة

( يا أيها الذين آمنوا اركعوا واسجدوا واعبدوا ربكم وافعلوا الخير لعلكم تفلحون) (الحج/77 )

كااين واحد الٱيات بحال هاادي لي ذكرت لي تيجي فيها لحديث على السجود لله. و فااش تنقرااو هاد الٱيات تيخصناا تا حناا نسجدوا معاهوم. 

و هاد السجود تيتسمى سجود التلاوة. تسمى هكاا حيت نتاا تتكون تتقرا (تتلوا) القرٱن و تتسجد معاه. و هاد السجود للشخص لي كاان تيقراا القرٱن و دااز على هاد الٱيات و حتى على الشخص لي كاان تيسمع معاه. 

🔵و فااش تسجد تتقول "سبحان ربي الأعلى" كيما فالصلاة عاادي. و يمكن ليك تزيد حتى "سجد وجهي لله الذي خلقه و صوره، و شق سمعه و بصره، بحوله و قوته، اللهم اكتب لي بها أجرا، و ضع عني بها وزرا، و اجلعلها لي عندك ذخرا، و تقبلها مني كما تقبلتها من عبدك داود". 

و فاللحظة لي نتاا ولا نتي تتسجد فهاد المواضع، الشيطان تيبكي كيماا جاء فواحد الحديث و تيقول: "يا ويله! أمر إبن ٱدم بالسجود، فسجد؛ فله الجنة، و أمرت بالسجود، فأبيت؛ فلي النار". 

2️⃣حضور النسااء للمسجد

قال رسول الله صلى الله عليه و سلم: «لا تمنعوا إماء الله مساجد الله، و بيوتهن خير لهن، و ليخرجن تفلات». 

و فحديث ٱخر قال: «إذا استأذن نساؤكم بالليل إلى المساجد فأذنوا لهن». 

الصلاة فالجماعة فيها فضل كبير للرجل و المرأة غا هو المرأة خاصها تحترم واحد الشروط لي خاصة بيها. 

الشروط هي أنها خاصها أولا تستأذن الأب ديالها ولا الزوج ديالها. و كيما جا فالحديث "ليخرجن تفلات" يعني بلا زينة و زوااق. و ماتكونش مخالطة الرجال. 

بطبيعة الحال ماغاديش يصليو مجموعين، و لكن بعد الصلاة فاش يكونو خارجين ولا أي بلااصة فين يبان ليها غادي يكون الإختلاط. 

يلا حتارمات المرٱة هاد الشروط رااه مزياان و تخرج للمسجد تصلي، ولا تصلي فدارها حسن ليهاا. 

3️⃣صلاة الجمعة!

أفضل أيام الأسبوع يوم الجمعة و فيه المسلمين تيتجمعوا فالصلاة فالمسجد. و كااين بزااف ديال الأمور لي تتميز هاد اليوم. مثلا:

فيوم الجمعة، خااصنا نكثروا من الصلاة على النبي. نغتسلوا. و نمشيو بكري للجاامع مااشي بااش نشدوا الساارية ولا نتكااو على الحيط 🐸 و لكن بااش نصليو النوافل، نقرااو القرٱن و نذكروا الله على مايخرج الإمام؛ و فااش يخرج الإمام خااصنا نستمعوا للخطبة مزياان و مانهضروش، حيت من لغا، لا جمعة له. 

و يلا كنتي دخلتي للجامع معطل و لقيتي الإمام بدا الخطبة، صلي 2 ركعات عاد جلس سمع للإمام. 

و من ضمن الأمور لي تيخصنا نديروا فهاد اليوم هي قراءة سورة الكهف و النبي قال بلي لي تيقراها، تيكون عندو نور سااطع من تحت القدمين دياالو حتى للسماء و هاد النور غاادي ينفعوا يوم القيامة. 

و يمكن أهم حااجة هي كااين واحد السااعة فهاد النهاار لي يلا كنتي تتصلي و تتدعي الله، غاادي يتقبل الدعااء ديالك. 💓

و يلا جينا نهضروا على هاد اليوم، ماغااديش نساليو. حيت كااين واحد العالم سميتوا 'ابن القيم' قال بلي كااين كثر من 133 خاصية لي تتميز هاد النهاار. ماغااديش نذكرهاا كااملة حيت بزااف و أصلا أنا ماعارفهااش 🤣🤣🐸

خااتمة: 🐸

و بهذاا غادي نسااليو لحديث على فقه الصلاة، لي هو طويل و متشعب كتر من هكاا؛ و لكن، ختاريت أني نهضر على أكثر الأمور لي غاادي تنفعكوم و يمكن طبقوها فحياتكوم من غدا. 

و غداا ان شاء الله غادي نبدااو فالحديث على فقه الزكاة. 

بييييس ✌️🐸