1️⃣وجوب الصلاة

الصلاة هي عماد الدين و هي ثااني ركن ديال الإسلام. و هاد الركن عندو قيمة كبيرة بزااف. و جاات بزااف ديال الأحاديث و الٱيات فالقرٱن لي تتبين الأهمية ديالها. 

و أمر ٱخر لي تيبين أهمية الصلاة فالإسلام هي أن الله تعالى فرض هاد العبادة فليلة المعراج فالسماء. و هاد العباادة هاادي فيها بزااف ديال العبادات فوسطهاا بحاال: ذكر الله، قراءة القرٱن، ركوع، سجود، دعاء، تسبيح و غيرها. 

و الدليل المعروف لي تيبين أن الصلاة واجبة هي الٱية 3 من سورة النساء: «إن الصلاة كانت على المؤمنين كتابا موقوتا». و هاد الٱية تتعني أن الصلاة راهاا مفروضة ( كتابا) فأوقات محددة ( موقوتا). و كااين ٱيات مختلفة فسور بحاال: البينة، البقرة، طه، و غيرها. 

2️⃣شروط الصلاة

بحال الوضوء، الصلاة تا هي عندها شروط ديالها. و هاد الشروط هوما:

دخول الوقت( ماغااديش تصلي الصلاة حتى يكون الوقت ديالها دخل)؛ ستر العورة؛ إجتنااب النجااسة ( فالجسد، لحواايج، و لبلااصة لي غادي يصلى فيها الشخص)؛إستقبال القبلة؛ و النية ( لي رااها ضرورية فجميع الأعمال و العبادات). 

3️⃣أركان الصلاة

الركن هو وااحد لحااجة لي مهمة فالصلاة، و يلا مادرتيهااش عن قصد ولا حتى يلا غا نسيتيها، الصلاة تتكون بااطلة. 

و كااين 14 ركن ديال الصلاة لي هوما: القيام، تكبيرة الإحرام، قراءة الفاتحة، الركوع، الرفع من الركوع، الإعتدال( يعني تعاود توقف)، السجود، الرفع من السجود و الجلوس بين سجدتين، الطمأنينة فگااع هادشي لي ذكرت( واخاا ماتكونش 100٪، مهم تكون واخاا غا شوييا)، التشهد الٱخير و لجلسة ديالو، الصلاة على النبي فالتشهد الأخير، و التسليم. 

4️⃣واجبااات الصلاة 

الواجباات هوما لحواايج لي يلا مادرتيهومش بلعااني، الصلاة ديالك ماداايزااش، و يلا نسيتيهوم هي بالخطأ تادير سجود السهو من بعد. 

و كااين 8 ديال الوااجبات، و لي هوما: التكبيرات كاملين لي تيكونوا فالصلاة، من غير تكبيرة الإحرام لي تتكون فاللول ( هاديك محسوبة ركن)؛ التسميع (تقول: سمع الله لمن حمده)؛ التحميد( تقول: ربنا و لك الحمد)؛ تقول "سبحان ربي العظيم" فالركوع( مرة 1 على الأقل)؛ تقول "سبحان ربي الأعلى" فالسجود( مرة واحد على الأقل)؛ تقول "رب اغفر لي" بين السجدتين(مرة 1 على الأقل)؛ التشهد الأول و الجلوس ليه. 

5️⃣سنن الصلاة

السنن هوما لحواايج لي مااشي مفروضة ويلا نسيتيهوم ولا مابغيتيش ديرهوم گااع، هانياا، صلااتك تتبقى داايزة. غا هو حسن أنك تبقى تديرهوم بااش تكون صلااتك مثاالية و كاملة مكمولة. 

السنن نوعاان: كااين سنن الأقوال و سنن الأفعال. 

🔵أمثلة على سنن الأقوال: التعوذ، البسملة، قراءة سور بعد الفاتحة، قول"اللهم إني أعوذ بك من عذاب جهنم، و من عذاب القبر، و فتنة المحيا و الممات، و من فتنة المسيح الدجال" فالتشهد الأخير. 

🔵أمثلة على سنن الأفعال: تهز يديك فتكبيرة الإحرام، فاش تهبط تركع و فااش تطلع من الركوع، و تدير يديك ليمنية فوق ليسرية، و غيرها. 

🔴هاادوا سنن لي يلا درتيها عندك الأجر، و يلا مادرتيهااش ماعليك والو. 

خلاصة:

الصلاة هي عبادة مهمة لي مفروضة فأوقات و بشروط محددة؛ عندها أركان لي بلا بيهوم الصلاة مادايزااش ( بغض النظر على واش نسيتي ولا درتيها بلعاني) و واجبات لي يلا نسيتهوم يمكن ليك تعوض؛ و سنن لي يلا درتيهوم مزياانة، و يلا مادرتيهومش ماعليك واالو. 

غداا إن شاء الله غاادي ندوزوا لأمور مختلفة متعلقة بالصلاة.  

بيييييس ✌️🐸