قبل مانهضروا على أعمال يوم التروية، نكملوا بعجالة على ٱخر مرة. 

لباارح هضرنا على الإحرام، و قلنا غادي نهضروا على الإحرام بالإفراد. يعني، الشخص لي جااي لمكة و النية ديالو هي يدير حج بوحدو، مااشي حج و عمرة. 

فااش تتوصل لمكة تاتدير طوااف القدوم لتحية البيت العتيق و من بعد تتقوم بالسعي للحج. 

1️⃣يوم التروية

يوم التروية هو اليوم الثامن من ذو الحجة. و الحاج تيخرج من مكة المكرمة و تيمشي إلى منى. 

تيكثر فمنى من التلبية: "لبيك اللهم لبيك، لبيك لا شريك لك لبيك، إن الحمد والنعمة لك والملك لا شريك لك"

و تيصلي تما الصلوات الخمس ديال داك النهار، و تيباات تمااياا فليلة عرفة. و فالصلاة تيدير الإنسان 'التقصير' يعني فالصلاة لي  فيها 4 ديال ركعات (الظهر، العصر، العشاء) تيصلي غا 2 فيهوم. 

و من تماا تيمشي إلى عرفة على رجليه فااش تاتطلع الشمس. 

2️⃣يوم عرفة

الوقوف بعرفة هو الركن الاهم من الحج. و النبي صلى الله عليه و سلم قال: «الحج عرفة». يعني الحج بدون عرفة، واالو ولا يصح. و الوقوف هناا تيعني 'الحضور' مااشي زعماا تكون وااقف على رجليك. 

عرفة تيبدا من فجر اليوم التاسع من ذي الحجة حتى لفجر اليوم العاشر، و فيه الإنساان تيخصوا يكثر من الدعاء و الذكر. 

الحجاج تيصليو فعرفة الظهر و العصر قصرا ( يعني غاا 2 ركعات فكل صلاة). و تيجمعوا الظهر و العصر جمع تقديم. المقصود بجمع تقديم هو تيسبقوا صلاة العصر، و تيصليوها مع الظهر. تيكون ٱذان واحد و تيقيموا صلاة الظهر و من بعد بيه فيه، تيقيمو صلااة العصر و تيصليوها. 

من بعد ماتيصليو النااس الظهر و العصر، تيبدااو ديك السااعة فالدعاء و التضرع لله. و النبي صلى الله عليه و سلم قال:« أفضل الدعاء دعاء يوم عرفة، و أفضل ما قلت أنا و النبيون من قبلي: لا إله إلا الله وحده، لا شريك له، له الملك و له الحمد، و هو على كل شيء قدير» 

و تيخص الإنساان يبقى فعرفة حتى لغروب الشمس و ماخاصوش يغادر. ويلا غادر قبل من غروب الشمس و مارجعش، كان عليه يذبح شاة و يوزعها على المساكين فالحرم.  

غداا إن شاء الله أنهضروا على الدفع في مزدلفة و المبيت فيها. 

بييييييس ✌️🐸