شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ ۖ

صوم شهر رمضان هو ركن من أركان الإسلام و فرض واجب على كل مسلم قادر. الدليل على وجوب صيام رمضان هو الٱية لي بديت بيها هاد لبوسط، بالإضافة لٱيات أخرى. مثال فسورة البقرة، الٱية 183: «يا أيها الذين ٱمنوا كتب عليكم الصيام كما كتب على الذين من قبلكم لعلكم تتقون» 

و قال النبي: «بني الإسلام على خمس» و ذكر منها الصوم. 

الهدف من الصوم هو التقرب إلى الله، و تطهير النفس من تأثير الشيطان عليها، و كذلك أن حناا نحسوا بالفقراء و المساكين لي ماعندهوم مايكالوا فالعام كاامل. 

وتيخصنا نبداو الصيام بمجرد مانعرفوا بلي راه الشهر دخل، إما عن طريق رؤية الهلال ولا يلا كمل شهر شعبان 30 يوم. و الصيام كيماا عارفين تيكون من طلوع الشمس إلى غروبها. 

و السنة ديال النبي هي تعجيل الفطور فاللحظة لي تغرب الشمس. النبي قال فواحد الحديث صحيح: «لا يزال الناس بخير ما عجلوا الفطر». و النبي كان تيفطر على رطبات ( بلح قبل ما يولي تمر)، ويلا مالقااش على تمر، ولا ماكاانش تيشرب شوييا من الماء. 

و كان النبي صلى الله عليه تيقول فااش تيفطر: «ذهب الظمأ و ابتلت العروق، و ثبت الأجر إن شاء الله». و كااين دعاء ٱخر لي تيقولوه بزااف ديال النااس:« اللهم لك صمت و على رزقك افطرت» 🛑و لكن هاد الحديث ضعيف. 

و على عكس الفطور، السحور تيخص لواحد يأجلوا. للإشارة، السحور مااشي ضروري يكون وجبة كبيرة. تقدر تعشى مزياان فوق ما بغيتي، و تفيقوقبل لفجر شوييا و تسحر بأي حاجة خفيفة ولا غي شريبة ديال لماا. بااش تسمى درتي السنة و ماتكونش بديتي الصياام قبل الوقت. 

و فااش تكون صاايم تيخصك تعرف بلي كااين شي أمور لي تقدر تفسد الصيام ديالك و تبعد عليها. غاادي نهضروا عليها غدا إن شاء الله و شنو تدير يلا فسدات الصيام ديالك. 

بيييييس ✌️🐸