أول خطوة فالحج هي الإحرام. الإحرام هو فاش تتنوي تدخل فمناسك الحج. تسمى بهاد السمية حيت الشخص تيحرم على راسو ديك السااعة أمور لي من قبل كانت حلال عليه، بحال النكاح و الطيب و تقليم الأظافر و حلق الرأس و اشياء من اللباس. 

و قبل من الإحرام تيخصنا نوجدوا ليه بشي أمور مهمة بحال: 🔵الإغتسال. السبب هو أنك تتبغي تحيد رائحة الكريهة و تنظف راسك باش تبدا هاد العبادة و النبي أمر عائشة أن تغتسل حتى فاش كانت حائض. 

🔵حلق شعر الشارب، الإبط و العانة لمن أراد. مااشي ضرورية، و لكن لي كان محتاج يحلق، تيخصوا يحلقهوم قبل من الإحرام. 

🔵التطيب: يدير المسك، البخور، ماء الورد ولا شي حاجة اخرى. 

🔵اللباس: بلاصة من سرااول و ملابس ديال ديما، يلبس شي فوقية فالبيض(من الأحسن) ولا اي لون اخر. السبب هو يتذكر الموت (حيت لبيض لون الكفن) و يبعد على المحرماات. 

🛑للإشارة، هادشي لي ذكرت ماشي هو الإحرام. هادوا غا أمور تتقوم بيها قبل الإحرام. أما الإحرام كيما قلت من قبل هو النية. 

و كااين 9 ديال الأمور لي ماخااصش الإنساان يقوم بيها فالإحرام. لي هي:

1️⃣حلق الشعر: ماخاصكش تحلق الشعر من الجسد ديالك بدون عذر و سبب ضروري. 

2️⃣تقليم الأظافر: حتى الأظافر ماخاصهاش تقاس بدون عذر. 

3️⃣تغطية الرأس. هادي بالنسبة للرجال فقط، ماخاصهومش يغطيو الرأس ديالهوم. 

4️⃣شي ملابس: الإنسان خاصوا يلبس فوقية، و مايلبسش لحواايج لي مديورة لعضو واحد. بحاال: سروال، قميجة، تقاشر. گااع هاد لحواايج مديرة باش تغطي جزء واحد من الجسم، و ماخاصهااش تلبس. ♦️أما المرأة تلبس لي بغات بااش تستر راسها. 

5️⃣الطيب: الإنساان ماخاصوش يدير الطيب فالجسد ديالو ولا الملابس ديالو

6️⃣صيد البر و اصطياده: قال الله تعالى فسورة المائدة:« يا أيها الذين ٱمنوا لا تقتلوا الصيد و أنتم حرم». حرام الشخص انه يصيد ففترة الإحرام. 

7️⃣عقد النكاح أي الزوااج

8️⃣& 9️⃣الرفث و المباشرة: لي هو الجماع مع الزوجة و القيام بأي حاجة لي تقدر تأدي للجماع، بحاال اللمس، التقبيل، و لهضرة على الجمااع براسها و دااكشي. 

⚪ٱخر حااجة نهضروا عليها هي أن الإحرام فيه 3 ديال الأنواع. أي، يمكن ليك تنوي الإحرام، (تنوي الدخول فمناسك الحج) ب3 ديال الطرق. 

⚫الإفراد: هنا تتنوي بلي راك أتقوم بالحج و صاافي. 

⚫القران: تتنوي بلي راك غاادي تدير حجة و عمرة فنفس الوقت. عصفورين بحجر واحد. 

⚫التمتع: تتنوي تقوم بالعمرة، و تتقوم بيها بالمناسك ديالها، و فاش تتسالي، تادير إحرام ٱخر للحج. 

هادي غي معلومة جانبية و ماغاديش نتعمقوا كتر فهاد الفروقات. و لي غاادي نركزوا عليه فهاد لبوسطات هو النوع الأول 'الإفراد'. 

غداا إن شاء الله انهضروا على أعمال يوم التروية و يوم عرفة. 

بييييييس ✌️🐸