🔵شنو هوما أركان الزواج؟

الزواج عندو 3 ديال الاركان لي هوما: 

1️⃣وجود الزوجين: بطبيعة الحال ماغااديش يكون زوااج بلا 2 ديال النااس لي غاادي يتزوجوا. و تيخص مايكونش فيهوم موانع شرعية. مثلا: يكون الرجل كافر و المرأة مسلمة ولا تكون المرأة فالعدة ديالها، و لا تكون بيناتهوم شي نسب ديال رضاعة ولا شي حاجة لي تمنع الزواج. 

2️⃣ثانيا، حصول الإيجاب: و تيعني ان ولي ديك البنت ( غالبا الأب) يقول للزوج: زوجتك فلانة ولا انكحتكها. 

3️⃣الركن الثالث هو حصول القبول: هنايا الزوج تبخصوا يقول قبلت هاد الزواج. 

🔴شنو هوما شروط الزواج؟

الزواج عندو 4 ديال الشروط لي هوما: 

1️⃣التعيين: فاش الأب يقول للزوج، زوجتك بنتي خاصو يسميها بالضبط، ولا يشير ليها باش يكون كولشي وااضح. 

2️⃣الرضى: ماخااصش يكون شي حد فالزوجين مزوج بالسيف عليه. الدليل هو حديث صحيح ديال النبي: «لا تنكح الأيم حتى تستأمر، ولا البكر حتى تستأذن». 

3️⃣حضور الولي: النبي قال:« لا زواج إلا بولي». صو، خاص يكون ولي البنت لي هو أبوها ولا وصيه، ولا جدها، ولا ابنها، ولا أخوها الشقيق، ولا أخوها من أب واحد. 

4️⃣الشهادة: خااص يكون 2 شهود. حيت النبي قال:« لا زواج إلا بولي و شاهدي عدل». 

⚪شنو هوما الشروط المقبولة فالنكاح؟

هادو لي ذكرت عاد داباا شروط لي خاص تكون بااش الزواج يدوز، و لكن كااين شروط لي الزوجة تقدر تفرضها على الرجل أو العكس. و هاد الشروط تتنقسم لنوعين: شروط صحيحة و شروط فاسدة. 

1️⃣أمثلة على الشروط الصحيحة

♦️يمكن ليها تشترط عليه مايتزوجش عليها

♦️شي علماء تيقولوا تشرط عليه حتى يتطلق يلا مزوج ديجا، و كااين لي تيقولك هاد الشرط ماداايزش

♦️تشرط عليه مايخرجهااش من لبلااد فين سااكنة

♦️تشرط عليه مايمنعهاش من انها تشوف واليديها ولا ولادها يلا مزوجة من قبل

ويلا الزوج ماحتاارمش أي شرط من هذه الشروط، كان من حقها أنها تفسخ الزواج. 

2️⃣أمثلة على الشروط الفاسدة

الشروط الفاسدة، فيها نوعان تا هي: نوع تيلغي الزواج و نوع لا. 

🔶بالنسبة للشروط لي تتلغي الزواج، فيها 3:

🔶نكاح الشغار: هاد النكاح هو فااش الرجل تيبغي يتزوج شي بنت و تيمشي عند باها. و الاب تيقبل، و لكن تيقوليه بشرط أنك حتى نتا تزوجني بنتك مثلا. 

ولا تمشي عند شخص تقوليه زوجني ختك و نزوجتك ختي. و فالغالب هناايا تيديرو بنااقص من الصداق، و ماتيعطيوهش للبنت. 

و حتى يلا عطااو الصداق، هاد الزوااج ماداايزش حيت البنت ماشي سلعة بااش تقايضها. 

🔶نكاح المحلل: يلا الشخص طلق مراتو 3 ديال مرات تتولي حرام عليه حتى تزوج شخص اخر. كااين لي تيقلب على رجل يتزوجها و يطلقها بالزربة بااش ترجع ليه. 

هذاا هو "نكاح المحلل" و تا هو حراام. 

🔶شروط المستقبل: يلا الولي قال لشخص زوجتك بنتي يلا جاا الشهر الجااي ولا يلا قبلاات الأم ديالها، هاد الشروط شي حاجة لي متعلقة بالمستقبل و مادايزااش. 

نفس الشيء يلا قاليه 'زوجتك بنتي لمدة سنة ولا شهر و ردها من بعد'. 

تا هاادي متعلقة بالمستقبل و هادي داخلة فزواج المتعة، لي رااه حراام 100%. 

⚫و كااين شروط لي فاسدة و لكن ماتتلغيش الزواج فخطراا، بحاال: 

⚫يشرط عليها مايعطيهاش صدااقها

⚫يشرط عليها ماينفقش عليها

⚫يشرط عليها أن يعطيها قل من زوجة ثانية يلا كان مزوج قبل

و غيرهاا

خلااصة:

الزواج عندو أركان أساسية علايااش تيقوم، وشروط بااش يكون صحيح. و من حق كل إنسان أنه يفرض الشروط الخااصة ديالو، بشرط أنها ماتكونش شروط فاسدة. 

غداا إن شاء الله غاادي نهضروا على الأمور لي محرمة فالزواج. 

بييييس ✌️🐸