من بعد ماهضرنا على أركان و شروط الزواج، جا الوقت بااش نهضروا على الأمور لي حراام و ماخاصهاش تكون فيه. 

🔵محرمات الزواج

المحرمات فالزواج مقسومة ل 2 أقسام: لي محرمات فخطرا و لي محرمة مؤقتا

1️⃣المحرمات دائما بالنسب

كااين نسااء لي ديماا حراام عليك تاخدهوم بسبب النسب لي بيناتكوم. و الله ذكرهم فسورة النساء: «حُرِّمَتْ عَلَيْكُمْ أُمَّهَاتُكُمْ وَبَنَاتُكُمْ وَأَخَوَاتُكُمْ وَعَمَّاتُكُمْ وَخَالَاتُكُمْ وَبَنَاتُ الْأَخِ وَبَنَاتُ الْأُخْتِ»

كيما مذكورين فالسورة، المحرمات هوما: الأم ديالك، بناتك (بنت الإبن او بنت الإبن داخلة) و الأخوات (شقيقة ولا ختك من بااك) و بنات الأخ و بنات الأخت، و العمة و الخالة. 

2️⃣المحرمات دائما بالسبب

عوتاني كاين نسااء محرمات عليكوم ديما لسبب. هاد النساء لي  ذكرنا داباا تيكون حراام على لواحد حتى يلا كانت العلاقة لي بيناتهوم بالرضاعة. لقوله تعالى «وأُمَّهَاتُكُمُ اللَّاتِي أَرْضَعْنَكُمْ وَأَخَوَاتُكُم مِّنَ الرَّضَاعَةِ» 

حراام ايضا على الشخص الزوجة ديال الأب ديالو و الإبن ديالو، و الأم ديال الزوجة ديالو، و بنت الزوجة ديالو. لقوله تعالى:

«وَأُمَّهَاتُ نِسَائِكُمْ وَرَبَائِبُكُمُ اللَّاتِي فِي حُجُورِكُم مِّن نِّسَائِكُمُ اللَّاتِي دَخَلْتُم بِهِنَّ فَإِن لَّمْ تَكُونُوا دَخَلْتُم بِهِنَّ فَلَا جُنَاحَ عَلَيْكُمْ وَحَلَائِلُ أَبْنَائِكُمُ الَّذِينَ مِنْ أَصْلَابِكُمْ وَأَن تَجْمَعُوا بَيْنَ الْأُخْتَيْنِ إِلَّا مَا قَدْ سَلَفَ ۗ إِنَّ اللَّهَ كَانَ غَفُورًا رَّحِيمًا (23)»

و حرام ايضا الملاعنة على الملاعن. يلا الزوج إتهم الزوجة ديالو بالزنا و حلف بلي راه زناات و هو صاادق و لعن راسو يلا كان تيكدب؛ و عوتاني مراتو تتحلف بلي راه ما زنااتش، و لعنات راسها يلا كانت تتكدب. كيماا مذكور فسورة النور:

وَالَّذِينَ يَرْمُونَ أَزْوَاجَهُمْ وَلَمْ يَكُن لَّهُمْ شُهَدَاءُ إِلَّا أَنفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ ۙ إِنَّهُ لَمِنَ الصَّادِقِينَ (6) وَالْخَامِسَةُ أَنَّ لَعْنَتَ اللَّهِ عَلَيْهِ إِن كَانَ مِنَ الْكَاذِبِينَ (7) وَيَدْرَأُ عَنْهَا الْعَذَابَ أَن تَشْهَدَ أَرْبَعَ شَهَادَاتٍ بِاللَّهِ ۙ إِنَّهُ لَمِنَ الْكَاذِبِينَ (8) وَالْخَامِسَةَ أَنَّ غَضَبَ اللَّهِ عَلَيْهَا إِن كَانَ مِنَ الصَّادِقِينَ (9)

هاادي تتسمى الملاعنة، و فهاد الحالة تيخص الحاكم يفرق بيناتهوم و تايطلقوا. 

نقولوا داازت 10 سنين و تناادم معاهوم لحاال و بغااو يرجعوا لبعضياتهوم و لي فات مات. مايقدروش، هادو تيكونوا حرام على بعضياتهوم فخطرا. 

3️⃣المحرمات بشكل مؤقت بسبب الجمع

عارفين بلي مباح للرجل فالإسلام يتزوج 4 ديال النساء، و لكن كااين شي نساء لي ماخاصوش يجمعهوم. مثلا:

حراام يجمع ما بين الأختين. حرام تجمع ما بين البنت و العمة ديالها أو الخالة ديالها. و النبي قال: «إنكم إذا فعلتم ذلك، قطعتم أرحامهم». 

و مايمكنش يجمع ما بين أكثر من 4 نساء. 

4️⃣تحريم مؤقت بسبب مشكل يزول 

حرام على الرجل يتزوج إمراة و هي باقا فالعدة ديالها حيت تقدر تكون حامل من رااجلها الساابق و هكاا غاادي يتخلطوا الأعراض. 

حرام تزوج الزانية حتى تتوب إلى الله و تسالا العدة ديالها. 

حراام على الرجل يتزوج مراتو من بعد ماطلقها 3 ديال المراات، حتى تزوج هي رااجل من بعدو و طلق منو. 

حراام تزوج المحرمة ( لي فالحج و قامت بالإحرام ) كيماا هضرنا عليه اخر مرة فالبوسطات ديال الحج. 

و حرام أن المرأة تتزوج رجل كافر، ولا المسلم يتزوج كاافرة حتى تدخل للإسلام. بإستثناء، الحرة الكتابية. 

خلااصة 

كااين نسااء لي حراام على الرجل يتزوجوهوم. كااين لي حراام ديما إما بسبااب النسب لي بين الرجل و ديك المرأة، ولا لشي سبب ٱخر لي مايمكنش يزول. 

و كااين نسااء لي حرام مؤقتا. إما حراام عليك تجمعهوم مع نساء أخرين، ولا حراام لشي سبب و غادي يدوز. 

غداا إن شاء الله غاادي نهضروا على ٱخر مسألة فالنكاح لي هي الصدااق و وليمة العرس. 

بييييييس ✌️🐸