1️⃣التوجه إلى مزدلفة

بعد غروب شمس يوم عرفة، الحجاج تيتوجهوا لمكان إسمه مزدلفة. و تيخصهوم يتوجهوا لهاد المحطة الجديدة بسكينة و وقار، بشوييا عليهوم بااش مايضايقوا حد و يحافظوا على الخشوع ديالهوم. و فالطريق لمزدلفة تيخصهوم يكونوا غاديين و تيستغفروا الله. 

و فااش تيوصلوا الحجاج لمزدلفة، تيصليو بيها المغرب و العشاء جمعا قصرا، أي تيصليوهوم بجوج بٱذان واحد و فصلاة العشاء تيصليو 2 ركعات بلااصة من 4. 

و السنة أن الشخص يبات فمزدلفة، يفيق يصلي الفجر و من بعد يتحرك يمشي لمنى قبل ماتطلع الشمس. و لكن يلا إنساان لي ضعيف( شخص شاارف، دري صغير، ولا نسااء، ولا شخص لي عياان و مريض) يقدر يتحرك لمنى بعد منتصف الليل بااش يوصل على خاطروا. و حتى يلا كاان، إنساان لي صحيح و لكن معاه شي واحد من هاد الأصناف لي ذكرت، خاصوا يمشي معااه و مايخليهش يمشي بوحدوا. 

2️⃣التوجه إلى منى 

و فالطريق لمنى، الإنساان خاصوا يجمع 7 حصيات - حجر صغير - للرمي من بعد. و داايز أنك تجمعهوم حتى من المزدلفة و لا من منى. 

فااش تيوصل لمنى تيمشي لبلاصة سميتها جمرة العقبة - و تتسمى حتى الجمرة الكبرى - و تيرمي تماا 7 ديال لحجراات متابعين، بعد طلوع الشمس. و من المستحب قول "اللهم اجعله حجا مبرورا و ذنبا مغفورا" مع كل حجرة. 

من بعد هادشي تيخص الإنساان، يحسن راسو ولا ينقص منو لقول الله تعالى: « محلقين رءوسكم و مقصرين». سورة الفتح، الٱية 27. و أنك تحسن رااسك كامل أحسن بالنسبة للرجال. 

أما بالنسبة للنساء، التقصير فقط هو لي مطلوب. 

و نفترضوا نتا كنتي قرع ديجاا، شنو غادير؟ ادوز الموس على رااسك بااش تسمى درتي النسك و قمتي بلي عليك. حيت النبي قال: «إذا أمرتكم بأمر؛ فاتوا منه ما استطعتم». 

3️⃣التحلل الأول

من بعد ما تيدوز الحااج من هاد المراحل، ديك السااعة تيولي حلال علييه الأمور لي تحرمات من قبل فاش دار الإحرام، بحاال: الطيب، و الثياب، و كولشي إلا النساء. و هادشي تيتسمى التحلل الأول. 

غداا إن شاء الله غاادي نكملوا و نشوفوا شنو تيوقع من بعد هاد التحلل الأول.