1️⃣الصداق

جزء مهم فالنكاح هو الصداق، و هو واجب أي مفروض على الزوج يعطيه للزوجة ديالو. 

قال تعالى: «وَآتُوا النِّسَاءَ صَدُقَاتِهِنَّ نِحْلَةً ۚ فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِيئًا» سورة النساء، الٱية 4. 

هاد الٱية تتبين بلي الصداق راه مفروض.

و ماكااينش شي مقدار - قليل ولا كثير - محدد فالصداق. يلا كان الإنساان قاادر أنه يعطي مبلغ كبير يديرها، بشرط أنه يكون دااير داكشي على قناعة. حيت كااين لي تيعطي مبلغ كبير و من بعد يولي تينفر و يكره ديط الزوجة فااش يتفكر بلي رااه خسر عليها مبلغ كبير. 

و شرط ٱخر هو أن الإنساان مايمشيش يااخد كريدي ديال رباا ولا يزير رااسو بااش يعطي الصداق. و مايكونش عااطي مبلغ كبير بااش يتسمى رااه لابااس عليه و يباان قداام الناس. 

و مسائل لي مهمة لواحد يعرف فالصداق، هي أن الصدااق ديال المرأة، و ماشي من حق الزوج ديالها يتصرف فيه إلا يلا بغاات هي. و يلا وقع طلاق للمراة قبل الدخول الشرعي و ماكاانتش شدات الصدااق ديالها لي تافقوا عليه، تيكون عندها الحق فالنصف ديالو. و يلا بغا رااجلها يعطيها صدااقها كاامل فديك الحاالة، من حقوا؛ ويلا بغاات هي تساامح فالصدااق ديالها من حقها تا هي. 

2️⃣وليمة العرس 

وليمة العرس تنبين للنااس بلي راه وقع زواج بين 2 أشخاص و تتكون هي الدليل على نهاية مراسم الزواج و إكتماله. 

و الحكم ديالها تيختلف ما بين مستحب و واجب. كااين العلماء لي تيقولوا راه وااجبة لاحقااش النبي أمر عبد الرحمن بن عوف انه يدير وليمة. و قال:« أولم و لو بشاة». 

أقل حااجة فهاد الوليمة هي تدير شاة كيما جاا فالحديث، و لكن الأحسن الزيادة عليها. مع تجنب الزيادة المفرطة و تضييع الماال. و ماخااصش يكون فالوليمة أمور لي محرم الله بحال الإختلاط، العري، الأغاني و غير ذلك. 

و تيخص الإنساان يحضر للوليمة يلا تدعى ليها بشرط يتوفروا فيها مجموعة ديال الشروط. 

1️⃣خاصها تكون الوليمة الأولى: ماواجبش عليك تحضر يلا الشخص داار 100 وليمة

2️⃣يكون الشخص لي عرضك مسلم

3️⃣يكون شخص صالح و ماشي من المهاجرين بالمعصية لي خاصك تهجروا ( هذا موضوع اخر)

4️⃣الشخص يعرضك نتاا بالضبط، بالإسم

5️⃣مايكونش لحراام بحاال الشرااب، الأغاني، و الإختلاط

و يلا كاان هاادشي هذاا، توكل على الله و لب الدعوة ديال الشخص. 

و كاان هذاا هو ٱخر منشور على الزواج. و مايمكنش لينا نهضروا على الزواج بدون ذكر الطلاق. 

صوو، غدا إن شاء الله غاادي نتطرقوا لأمور بسيطة متعلقة بالطلاق. 

بيييييس ✌️🐸