الحج عندو 4 دياال الأركان و هضرنا لحد الٱن على الإحرام، و الوقوف بعرفة؛ بالإضافة لواجبات أخرى. و ليوما غادي نكملوا الحديث ديالنا على ٱخر أركان الحج، لي هوما: 

1️⃣طواف الإفاضة

من بعد تيقوم الشخص بطواف الإفاضة. طواف الإفاضة هو ركن من أركان الحج، و تيقوم بيه الحاج يوم النحر. و الطريقة ديالو هي أن الشخص تيطوف 7 مرات و تيبداا الطوف دياالو عند الحجر الأسود و تيساالي فيه نيت. 

فالأول، تيمشي للحجر الأسود و تيقيسو إن أمكن و يقبلوا، ويلا كان زحاام و ماقدرش، يشير ليه من لبعيد. و تيبدا الشوط الأول، و تيبقى يذكر الله، يدعي، ولا يتلوا القرٱن، و تيقول ما بين الركن اليماني: «ربنا ٱتنا في الدنيا حسنة و في الٱخرة حسنة و قنا عذاب النار»

و فاش تيوصل للحجر الأسود تيكون كمل الشوط الأول، تيعااود يشير للحجر الأسود ولا يقيسو يلا ماكاانش زحاام و يبدا الشوط الثاني عاود حتى يكمل 7 ديال الأشواط. 

🔵و كااين 13 شرط مهم بااش يكون الطواف صحيح: الإسلام، العقل، النية، ستر العورة، يكمل 7 أشواط، يخلي بيت الله الحرام على ليساار ديالو، يطوف بالبيت كاامل، و يمشي على رجليه يلا كانت القدرة، و يكونوا الأشواط 7 متابعين، من غير يلا تقامت الصلاة، يكون الطواف داخل المسجد، و يبدا من الحجر الأسود و يساالي بيه. 

بعد نهاية الطواف، تيصلي الشخص 2 ركعات و من الأحسن يكونوا خلف مقام إبراهيم، و يقرا فالركعة الأولى سورة الكافرون و فالركعة الثانية سورة الإخلاص. و هادي سنة مؤكدة. 

2️⃣السعي بن الصفا و المروة 

من بعد طواف الإفاضة تيقوم الحاج بالسعي بين الصفا و المروة. و هذا هو الركن الراابع ديال الحج.  

الصفا و المروة هوما 2 ديال الجبال كاينين فشرق المسجد الحرام. و تيسعا الشخص بيناتهوم 7 ديال الأشواط، كيماا قامت بيه السيدة هاجر زوجة النبي إبراهيم عليه السلام. 

تيمشي الإنسان للصفا و تيكبر 3 ديال لمراات، و تيقول "لا إله إلا الله وحده لا شريك له، له الملك، و له الحمد، يحيي و يميت، و هو حي لا يموت، بيده الخير، و هو على كل شيء قدير". 

من بعد تينزل من الصفا و تيمشي للمروة و تيكون هكاا بداا الشوط الأول. و فااش تيوصل للمروة، تيقول دااكشي لي قال فالصفا. و هكاا تيكون سالا الشوط الأول. 

تيعاود يرجع للصفا و تيكون هكا بداا الشوط الثاني، و تيرجع يكمل بهاد الشكل حتى تيسالي سبعة ديال الأشواط. 

و بحاال فالطواف، حتى فالسعي مزياان أن الإنساان يذكر الله، يدعي بداكشي لي بااغي، و تلاوة القرٱن. 

و الترتيب ديال هاد الأمور لي ذكرنا ليوما و لباارح: ( رمي جمرة العقبة، الحلق أو التقصير، الطواف، و السعي) مستحب، يعني مااشي ضروري يكون هكاا. و النبي سولوه على شنو يسبقوا النااس و شنو يأخروا، و كان الجواب ديالو هو «افعل ولا حرج». و لكن الترتيب ديالها أفضل حيت النبي رتبها بهاد الشكل. 

و هادوا هوما أركان الحج الأربعة. غداا إن شاء الله غاادي نهضروا على شنو تنديرو فأيام التشريق و طواف الوداع. 

بييييييس ✌️🐸