قربت رحلة الحج تنتهي، و ٱخر الأمور لي تتكون فالنهاية هي أيام التشريق و طواف الوداع.

1️⃣أيام التشريق

المقصود بيهوم هو ايام 11، 12، & 13 من ذو الحجة. و تسمااو بهاد الإسم، حيت اللحم فيها يشرق -يوزع- على الفقراء و المساكين.

الحااج تيخصوا يباات فمنى فهاد الأيام الثلاث، ولا على الأقل فيوماين يلا كان الشخص مزروب.
و فهاد الأيام 3 ( ولا 2 ) و تيرمي الحصا فالجمرات الثلاث من بعد زوال كل يوم حتى للغروب ديالو.
و تيمشي بالترتيب: الجمرة الأولى قرب مسجد الخيف، الجمرة الوسطى، و الجمرة الكبرى و تتسمى جمرة العقبة.
و أي شخص لي مريض، كبير فالسن، إمرأة حااملة أو أي شخص لي خاف من زحام فالجمرة ولا فالطريق، يوكل شخص اخر لي ينوب عليه.

2️⃣طواف الوداع

فااش تيساالي الشخص من منااسك الحج و تيبغي يساافر من مكة و يرجع للبلااد ديالو، تيخصوا بعدا يطوف بالبيت 7 أشواط، بااش يختم الحج ديالو بالبيت.
لأن النبي صلى الله عليه و سلم قال:« لا ينفر أحد حتى يكون ٱخر عهده بالبيت». الإستثناء هو بالنسبة للمرأة الحائض، هي غير معنية بهاد الطواف.

3️⃣أحكام الهدي

الهدي هو الأضحية لي تتهدي لبيت الله الحرام أثناء الحج. و كااين حالات مختلفة فين تيكون واجب أو مستحب.

بإختصار، تيكون واجب يلا الحاج داار شي حااجة لي ماخاصوش يدير فالحج، فوقت الإحرام مثلا. أو، يلا ماداارش شي حااجة لي وااجبة فالحج. فالحالتين بجوج، تيكون واحد النقص فالحج، و الطريقة بااش تتسد هاد النقص هي ذبح هدي.

أفضل الهدي هو الإبل، و من بعد البقر، و من بعد الغنم. و الشروط ديال هاد الهدي بحال شروط الأضحية. ماخااصهاش تكون عرجاء، ولا عمياء ولا ضعيفة بزااف ولا فيها أي عيب اخر و بااين العيب.

صو، لي ترك شي حاجة واجبة كان عليه يذبح شاة ( تكون كبر من 6 أشهر؟ و يصدقها على الفقراء و مايااكل منها والو. و فهاد الحالة، هاد الهدي تيتسما "الدم". و بإمكانوا يصدق حتى سبع بقرة و غيرها، بااش يسد النقص و الخلل لي وقع ليه فالحج.

و إن شاء الله مايكون تا شي خلل بإذن الله.

هاادي نهااية لبوسطات على الحج، و نهاية أركان الإسلام.  غداا إن شاء الله غاادي نهضروا على أكثر موضوع تيبغيوه التلاامد عندي. 🐸

بييييييس ✌️🐸