شنو هوما أنوااع الزكاة لي كاينة؟؟

1️⃣زكااة الفطر 

فاش تيقرب يساالي رمضاان تيخص النااس تخرج زكاة الفطر. و هاد الزكاة واجبة. و النبي صلى الله عليه و سلم قال بلي زكاة تتخرج صاع ( ما بين 2 كيلو حتى ل 3) من الشعير، التمر، الحبوب، لعدس، ولا أي حااجة لي النااس ديال المنطقة مولفين تياكلوها. و هي واجبة على العبد و الحر، الذكر و الأنثى، الصغير و الكبير، من المسلمين. 

و تتخرج قبل من صلاة العيد بنهار ولا يوماين. و تيخرجها الشخص على راسو و على النااس لي تينفق عليهوم (ولادو، مراتو، و دااكشي). و الشخص تيخصوا يخرجها فالمكان لي عايش فيه. مثلا، نتاا ساكن فمكنااس، خرج الزكاة فمكناس، مااشي فاس. 

و زكاة الفطر ماتتخرجش بلفلوس، تتخرج كيما قال رسول الله: صااع من لمااكلة لي النااس فديك لبلااد تيستهلكوهاا بزااف. 

2️⃣زكاة النقدين

المقصود "بالنقدين" هوما 'الذهب و الفضة'. يلا كانوا عندك فالداار و بلغوا النصااب ديالهوم، خاصك تخرج عليهوم الزكاة. 

النصااب بعدا هو واحد القدر ديال الذهب ولا الفضة ولا غيرها، لي فااش تيولي عندك تيخصك تخرج عليه الزكاة. و يلا كان عندك قل منو، مااشي وااجب عليك تخرجها. 

النصااب ديال الذهب هو '20 مثقال'. المثقال تيسااوي 4.25 غرام. يعني نصاب الذهب ( 4.25 مضروبة ف 20) هي 85 غرام. 

النصااب ديال الفضة هو '200 درهم إسلامي'. هاد الدرهم تيسااوي 7/10 ديال المثقال ( 2.975 غرام). و يلا ضربناا 200 درهم ف 2.975 اتسااوي 595 غرام. 

🔴و لي كان عندو هاد القدر ديال الذهب و الفضة تيخصوا يخرج عليهوم 2.5٪ من قيمتهوم المالية يلا دار عليهوم العام. و لي ماكانش عندو الفلوس و كان غي الذهب، يقدر يبيع من داك الذهب و يخرج دوك لفلوس ولا يخرج الزكاة ذهب نيت. 

🔵للإشارة، يلا كان عند المرأة ذهب لي شاريااه لراسها و صاافي و تتلبسوا، ماكااين لااش تخرج عليه الزكاة *حسب غالبية العلماء*. و لكن تيتخرج عليه في حالة يلا كان تجاارة ولا تيتخبع لدوااير الزمان كيماا تنقولوا. 

خلاصة:

الزكاة كيما شفنا فيها أنواع مختلفة. القاسم المشترك بيناتهوم هو فجميع الأنواع كااين شروط لي خاصها تكون حاضرة و أوقات فين تتعطى الزكاة و خاصنا نحتارموها. 

غداا إن شاء الله غاادي نختموا موضوع الزكاة بمعلومات أخرى. 

بيييييس ✌️🐸