1️⃣زكاة الحبوب و الثمار

قال الله تعالى: «يا أيها الذين ٱمنوا أنفقوا من طيبات ما كسبتم و ما أخرجنا لكم من الأرض» سورة البقرة، الٱية 267

و هنايا لي مقصود ب "ما أخرجنا لكم من الأرض" هو الحبوب و الثمار و غيرها. 

الحبوب بحال الشعير و الأرز و الحنطة و غيرها. و الثمار عوتاني بحال التمر و الزبيب و غيرها. و خاص يكون النصاب بعدا باش عاد يخرج الشخص الزكاة عليهوم، يلا وصلاات وقت الزكاة. و النصاب ديال الحبوب و الثمار هو 5 أوساق. الوسق تيسااوي 60 صاع بالصاع النبوي. يعني بالمقااييس ديالنا ايخص يكون عندك 900 كيلو تقريبا عاد تخرج عليهوم الزكاة. 

ويلا كان عندك هاد 900 كيلو، شحال خااصك تخرج؟ القدر لي تتخرج على حسااب طريقة السقي. يلا كان دوك الثمار ديالك تيتسقااو غي بالشتااء عادي و ماتتعدبش معاهوم ولا تخسر عليهوم لفلوس، تتخرج العشر ديالهوم فالزكاة. ويلا كنتي تتسقي رااسك و تتعدب فيهوم، تتخرج نص العشر، يعني %5. 

و الوقت ديال تخرااج الحبوب هو منين تكون صاالحة و واجدة للبيع، يعني من بعد ماتتحصد بااش تسهال تعبر فالميزان. و بالنسبة للثمار فااش تينضجوا و يكونوا صالحين للأكل. 

2️⃣زكاة العسل

العسل كذلك واجبة فيها الزكاة يلا وصلاات للنصااب ديالها. و نصااب العسل هو 30 صاع بالصاع النبوي. و يلا كان عندك هاد القدر، اتخرج عليه العشر.

3️⃣زكاة المعدن

المعدن هو المكاان لي تيكون مدفون فيه شي حااجة من تحت الأرض. هاد لحااجة تقدر تكون كنز نيت ديال الذهب ولا الفضة ولا حبوب و تمار كيما ذكرنا ولا حتى ملح أو نفط أو أموال الكفار. المهم هو أن شي حاجة مدفونة فالأرض و الإنسان لقاها. 

يلا الإنساان لقى الذهب ولا الفضة، تيخرج ربع العشر يلا وصلاات النصااب كيما ذكرنا من قبل. 

و ٱخر حااجة يلا كان الإنسان لقى أموال الكفاار تيخرج منهاا لخمس ديالها. 

خلااصة: 

شفنا بلي الزكاة وااجبة ف 4 ديال لحاجاات جديدة: الحبوب، الثماار، العسل و الكنوز المدفونة فالأرض. 

هاد النوع الأخير قليل بزااف انه يكون فوقتنا الحالي و لكن ضفتوا حيت دااخل فالٱية الكريمة لي ذكرت فاللول. 

غدا إن شاء الله غادي نختموا موضوع الزكاة بالحديث على الصدقة المستحبة و الفوائد دياالها. 

بيييييس 🐸✌️