تسالا العذااب النفسي ديال الإمتحان، و بداا العذاب النفسي ديال النتائج. 

من بعد ماتيدوزو التلامد الإمتحان تتكون واحد الراحة نفسية مؤقتة حيت تيكون لواحد حيد عليه واحد لحمل تقييل بزااف. ولكن من بعد وقت قصير تيولي لواحد يفكر ليل و نهاار فالنتائج و واش غادي ينجح، تكون عندو إستداركية ولا واش اتكون عندو حالة غش - واخاا مايكونش غااش أصلا. 

تيولي الإنساان مراات متشوق للنتيجة، مرة خاايف، مرة مكتأب، شي مراات تيكون فرحاان فاش تيعرف بلي الأجوبة ديالو صحاح و شي مراات تيكون عياا فخطراا من داك ستريس كاامل. 

و حيت جربت هااد الشعور بالضبط مااشي مرة مااشي جوج، غاادي نهضروا على شنو دير و شنو ماديرش بااش تنقص ما أمكن من هاد الستريس. 

1️⃣ماتهضرش ولا تجبد الإمتحان. و هاادي داخلة فيها مجموعة ديال لحوايج:

🔴ماتقارنش الأجوبة ديالك مع ديال صحابك ولا مع نماذج التصحيح. 

🔴ماتسولش النااس شحال تقدر تجيب فالمواد على حسب الأجوبة ديالك ولا واش تقدر تنجح ولا لاا. 

🔴ماترجعش تشوف الأجوبة ديالك ولا تحاول تعاود تخدم الإمتحان

🔴ماتسمعش لديك لهضرة لخاوية ديال المصححين تيتعكسوا معانا ولا عنداك يجيني مصحح صااعر ولا أي حااجة، ولا رااه لقااو مليون حالة غش فشي ماادة. 

2️⃣ خصص وقت للقلق

التفكير فالإمتحان يقدر يدي ليك كل دقيقة من وقتك يلا ماتحكمتيش فيه. و الطريقة بااش تحكم فيه هي أنك تعطي لراسك واحد المهلة لي خلالها من حقك تفكر فالإمتحاان و دير اي حااجة بغيتي. و لكن فين تساالي تيخصك تحبس. 

مثلا، تقدر دير نص سااعة كل نهاار لي تخلي دوك الأفكار السلبية يدورو راسك و تفكر فشنو يقدر يوقع و النتيجة و گاع داكشي كاامل؛ و فااش تساالي نص سااعة تتخبس و تادير شي أمور لي غادي تجي من بعد. 

و هكاا ماتتخليش دوك الأفكاار محبوسين فعقلك، و لكن فنفس الوقت ماتتخليهومش يسيطروا عليك. 

3️⃣وصل لأساس المشكل/الخوف ديالك

هانتا، تخاايل معايا كون واليديك قالو لييك "شتي، يلا سقطتي هاد لعاام غادي نشريو ليك طونوبيل، و نعطيوك لفلوس، و نديوك تساافر، و نزوجوك ببنت خالك ولا ولد خاالك لي عينك فيه". واش اتبغي تسقط ولا لاا؟

أناا بعداا نبغي نسقط. 🤣🤣 حيت ديك السااعة السقوط ماغادي يجي منو واالو، ماغاديش يضرك. بناادم تيخااف يسقط حيت خاايف من شي نتائج سلبية لي اتجي من بعد. 

مثلا: خاايف لا تضحك عليك العائلة، يتشفاو فيك، ماتفرحش مالين داركوم، ولا أي حااجة. 

من بعد فااش تتعرف شنو هو المشكل لي خاايف منو خااصك تعرف بلي نتاا تقدر تواجهو: خاايف لا يضحكوا عليك لعائلة ماتقولهوم والو، يلا صوناو عليك قطع، ولا دير اي حااجة باش تقضي على الخوف ديالك. 

مهم هو تعرف منايااش خاايف بالضبط، و تلقى خطة باش تواجهوا. 

4️⃣شغل رااسك

من بعد فترة الإمتحانات، دير شي حااجة لي تدوز بيها الوقت لي تكون ممتعة: تفرج فافلام، سيريات، أنيم، لعب كورة، خرج تساارى، دير أي حااجة لي كاستمتع بيهاا. 

5️⃣تلاقا صحاابك

دوز وقتك مع صحااب لي تكون تترتاح معاهوم و تتحس بلي الوقت تيطير معاهوم. من الأحسن يكونوا نااس لي ماعندهومش لباك ولا سيزيام باش مايجبدوش معاك لقرااية. 

و علمهوم من قبل بلي نتاا باغي تلاقاهوم باش تنسى الإمتحانات، صوو بلا مايهضروا عليهوم. 

6️⃣كيفااش تحيد ستريس

حواايج خراا لي تتحيد ستريس هوما

🔵التنفس: دخل النفس من الأنف دياالك ل 2 ثواني و خرجوا ل 4 ثواني أو ضوبل، دخل النفس من الأنف ل 4 ثوااني و خرجوا ل 8 ثوااني. 

🔵الرياضة: فاش تادير مجهود و تتعرق تينتج هرمون الإندورفين و تيخليك ترتاح

🔵الأغاني و القرٱن: بجوج بيهوم تيسااعدوا على أنهم يبدلوا حالتك النفسية و يساعدوك على الإسترخاء

7️⃣حمد الله و فتااخر برااسك

حمد الله حيت على الأقل رااك وصلتي للباك؛ و واخاا تباان ليكوم هاادي حااجة سااهلة و بسيطة رااه كااين بزااف لي ماقدرش عليهاا. 

و فتااخر برااسك حتى نتااياا حيت راه درتي مجهود -بالحفاظة ولا النقيل - بااش توصل للبااك. 

8️⃣تفكر نقط القوة ديالك

من بعد الإمتحان تنبدااو نركزوا غي على المواد لي ماخدمنااش فيهاا مزياان و ضعاافين فيها و تنسااو دااكشي لي حناا ضابطينو. 

فااش دماغك يقولك ماخدمتيش فالفلسفة و ماعندكش معاهاا، قوليه بلي "رااني خدمت فالعربية" و ركز على الموااد لي نتا مزياان فيهوم. 

مااشي ضروري تكون لول فيهوم - المهم هو يكون عندك معاهوم و تتبغيهوم و تتخدم فيهوم. 

و فتااخر برااسك عوتااني. 

9️⃣خليها على الله. 

فالأخير خلييها على ربي. المجهود لي درتو ماغااديش يضيع، و ربي ماغادي يخيب تا شي وااحد. 

دير لي عليك و البااقي على الله. 

و فالأخيير، فتااااااخر برااسك. 

بييييييس & لااااڤ ✌️

و 💓 الله يسمعكوم خباار الخيير. 😊🐸