كيفااش تزيد من السعادة ديالك فدقيقة! - الجزء الثااني

ٱخر مرة كناا هضرنا على أن التنفس ديالك يقدر يساعدك أنك تخلص من الستريس و تزيد السعادة ديالك، يلا عرفتي كيفااش تخدموا. 

و ليوما غادي نهضروا على طرق مختلفة كيفااش تخدم التنفس ديالك بشكل إيجابي. 

1️⃣أول طريقة هي تدخل النفس ل 2 ثوااني من الأنف ديالك و تخرج النفس ل 4 ديال الثواني. 

2️⃣ ثاني طريقة هي تدخل النفس من الأنف ل 4 ثواني، تحبس النفس ل4 ثواني، و تخرج النفس من الفم ل 4 الثواني. 

3️⃣ثالت طريقة هي تنفس 8-7-4: تدخل النفس من الأنف ديالك ل 4 ديال الثواني، تحبس النفس ل 7 ديال الثواني، و تخرج النفس من فمك ل 8 ديال الثواني. 

4️⃣رابع طريقة و تتسمر تنفس الصندوق: تدخل النفس من الأنف ل 4 ثواني، تحبس النفس ل4 ثواني، و تخرج النفس من الفم ل 4 الثواني، و تحبس النفس عاود ل 4 الثواني فالأخير. 

5️⃣خامس طريقة هي "تنفس إسترخاء العضلات التدريجي": هنااياا تاتاخد نفس عميق بأي طريقة من هادو لي ذكرت. زائد، أنك تتزير عضلات مختلفة فالجسم فااش تتكون تادخل النفس، و تترخي دوك العضلات فااش تتخرج النفس. 

🔴بعض النصائح من عندي: 

🔵ختاار شي وقت لي غادي تلتزم بيه ديما. 

🔵سير لشي بلاصة لي مايصدعك فيها حد. 

🔵غمض عينيك فاش تكون تادير هاد التنفس. 

🔵خليها عادة يومية: بدا صبااح بهاد التنفس، و قبل ماتنعس ديرو عاود بااش تنعس و نتاا مرتااح. 

هاادي من ضمن أبسط الأمور و أحسنها، حيت تقدر تديرها فأي وقت و أي لحظة و غاادة تسااعدك أنك تسترخى و تحكم فالمشاعر ديالك. 

فااش تحس بالستريس، القلق، و لعياا، خود نفس عميق، و استمتع بالفوائد الإيجابية. 

و فالأخير، ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️