كيفااش الريااضة تقدر تخليك سعيد و مرتااح فحيااتك؟

كنظن أن كولشي سمع على الأهمية ديال الريااضة من قبل، و لكن نسبة قليلة لي ملتزمة بيهاا و نسبة أقل عااد لي عاارفة بلي الريااضة تتحسن حتى الصحة النفسية ديال الإنساان و تخلييه سعيد بزااف. 

أناا برااسي كنت تنسمع ديماا عليها و قاري و عاارف دااكشي لي قااري، خااصني نديرو و لكن كنت ديماا تنأجلهاا و تنتعتبرهاا ثانوية. 

حتى لوااحد الوقت لي بديت تنحس برااسي تنعياا دغيا و ماتنقدرش نكمل لخدمة نهاار كاامل. تماا الخوف ديالي من أني نشرف قبل الوقت ولا نشرف أصلا و تمشي لييا صحتي، خلااني كيماا تنقولوا نجمع الوقفة و نهتم بالريااضة. 

حمد لله، وليت مهتم حيت لقييت بلي تتفيدني و تتعاوني نتعاامل الستريس.  

تتكون شي حااجة مقنطاني فرااسي، و لكن من بعد ماتنطريني تنرتااح حيت الجسم تيطلق الإندورفين و هو واحد الهرمون ديال السعادة. و ديك السااعة تنولي مرتااح و قاادر نتعاامل مع أي مشكل. 

و شي مراات تنعرف بلي ماكاان عندي تا شي مشكل، غي ستريس لي كان مخليني مكبر الموضوع و صاافي. 

فوائد أخرى ديال التمارين الرياضية هوماا: 

🔵تتنقص من أعراض القلق و الإكتئاب

🔵تتزيد من ثقتك و إعتزازك بنفسك حيت تتحدى رااسك و تادير حااجة لي قااصحة

🔵تتحسن جودة النوم

🔵تتطور الوظائف الذهنية

🔵و كيماا قلت من قبل تتحس لمورال ديالك و تتزيد من السعادة

فلول جااتني قااصحة بااش نطريني و دااكشي لاش قلبت على شي تماارين لي تنفعني فصحتي الجسدية و النفسية و نقدر نديرهاا دغياا، مانعگزش علييها. 

و هي لي غاادي نشاارك معاكوم، مااشي داباا بالحق، حتى للمرة الجااية. 🐸

لي نبغيكوم داباا تديرو هو تفكروا فالأهمية ديال الريااضة. 

سول رااسك شنو غاادي نستاافد يلا طرينيت، و بقاا تفكر فگااع لحواايج لي غاادي تستاافد. 

هكاا غاادي تكون وااجد أنك طبق دااكشي لي غاادي نشارك معاكوم لمرة الجااية. 

ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️