بااغي تنقص من الستريس، القلق، الإكتئاب، و تكون سعيد كتر فحيااتك؟

بطبيعة الحاال اتكون باغي. 

كااينا واحد لحااجة بسيطة لي اتسااعدك تحقق هادشي و كتر. و اكتشفتهاا مع المدة بلا مانحس. ها كيفااش عرفتهاا. 

فعاام 2021 بديت لخدمة مع الدولة، و التعيين ديالي جاا فواحد المنطقة سميتها تافرانت، فإقليم تاونات.

فلول فااش قلبت عليهاا ف Google Maps ماحملتش رااسي حيت لبلاااصة بعييييييدة، و من تصااور لي شفت و لهضرة لي سمعت عليها، تيقنت بلي هي صحرااء و مافيهاا مايتشااف. 

مهم، خطأت فحقها و ظلمتهاا. ( من واحد النااحية ) 

هي بصح بعييدة بزااف و ناقصينها بزااف ديال المراافق الأساسية، و لكن لمنطقة زوييينة. فيهاا واحد الطبيعة فشكل، جاياا حدا سد الوحدة و منطقة لي دغياا تترتااح فيهاا. 

قبل مانجي لهناياا ( مزاال فيها ) كانوا عندي مشااكل و كانوا مخربقيني فدماغي و كان نعااسي مخربق، تنعس معطل و تنفيق فوسط الليل 100 مرة. 

و لكن فقل من سيماانة ولييت تنعس بكري و مرتااح. من ناحية حيت ماكااينش الصدااع، و من نااحية حيت تماا كااينة الطبيعة. 

الطبيعة عندهاا فوائد زويينة. تتعااونك:

1️⃣تنقص من الستريس و الإكتئااب

2️⃣تتزيد من الإبدااعية ديالك

3️⃣طور التركيز ديالك و القدرات الذهنية

4️⃣تحسن من الذااكرة دياالك

5️⃣تولي سعيد كتر. 

يلاا حدااك شي منطقة خضرااء، ستاافد منهاا. و حتى يلا ماكانتش، عندك حلول بسيطة. 

🔴دير النباتات فداارك ولا فخدمتك

🔴شوف غي تصااور ديال الطبيعة 

🔴يلا قديتي تدخل عنااصر طبيعية بحاال الخشب و غيرو فالديكور ديال دااركوم

🔴و قلب على شي حديقة قريبة ليك، ضروري تلقااهاا

صوو، فوق ماتحس بالستريس و القلق و تكون محتااج شوييا ديال السعاادة فحيااتك، عطي لرااسك وقت فالطبيعة. 

و كيماا العاادة، ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️