كلشي تيواجه الصعوبات و المشاكل فحياتو و كل واحد فينا تيتعامل معاهوم بشكل مختلف. 

كااين لي دوك الصعوبات تيحطموه و تيأثروا بشكل سلبي على حياتو و كااين لي تيتقاتل و تيتغلب على الصعوبات ديالو. 

و هاد لكتااب ديال ليوما غادي يعاونك تبدل الرؤية ديالك لصعوبات الحيااة، تبني واحد القوة داخلية لي تخليك كيماا تيقولوا "نميلو و مانطيحوش". 

لكتااب سميتو "Resilience" و لي تتعني 'الصمود' ولا 'المرونة'. المؤلف ديال هاد لكتااب كان خدام فالبحرية من قبل و تيعطي نصائح عملية و طرق جديدة ديال التفكير لي تعاونك تعامل مع المشاكل ديالك. 

أهم الأفكار بالنسبة لييا هي:

1️⃣خااصنا نرحبوا بالستريس و المشاكل فحياتنا. لكااتب تيقولك بلي الناس لي ماتادير والو فحياتها ماتيكون عندها لا ستريس لا مشاكل. 

حيت أصلا المشاكل و ستريس تيجيو فاش نتا تادير شي حاجة لي صعيبة و تتحدى راسك فيها، صو فااش تحس بالستريس، فتااخر فرااسك حيت كون كنتي ماتادير والو فحيااتك، ماغااديش يجيك ستريس. 

2️⃣تعلم و طور رااسك. فوق ماتطيح فشي مشكل، جلس و فكر مع رااسك فشنو تقدر تعلم منو باش تطور راسك و لمرة الجااية ماطيحش فداك المشكل. 

هو غاادي تطيح فمشكل اخور و يقدر يكون كبر، و لكن على الاقل داك المشكل اتكون استافدتي منو و ماغاديش توقع فيه. 

3️⃣فكر فشنو الهدف ديالك فالحياة. النااس لي تيكون عندهوم واحد لحاجة لي باغي يحقق فحياتو، تتسااعدوا أنه يتقاتل واخا الأمور ماتمشيش كيف بااغي. تيصبر و يتقاتل باش يحقق داكشي لي بااغي. 

و الهدف ماشي ضروري يكون تغير العالم ولا شي حاجة بحال هكا. يقدر يكون انك تكون شخص مزياان، تكمل قراايتك و تاخد دبلوم لي باغي، تخدم، تفرح واليديك. 

المهم هو يكون عندك شي حاجة لي على ودها نتاا عايش، و باش توصل ليها غاادي تصبر على الدنياا و مافيهاا. 

4️⃣كيفااش تبني قوة داخلية. 

جوج ديال النااس يقدرو يدوزو من نفس المشكل، و كل واحد يتعامل معاه بشكل مختلف. 

و كاين عوامل مختلفة لي تتحدد هاد القضية، و من ضمنها هو القوة الداخلية النفسية لي لكتااب تيعاونك تبنيها من خلال بزااف ديال الأمور لبسااط و لفعالة. 

هادو بعض الأفكاار لي فلكتااب، و لكتااب فيه مجموعة ديال القصص و هادشي ايخليك تسااليه فوقت قصير و تستمتع بيه. 

فالأخير دخلوا لهااد اللياان هذاا بااش تطيليشارجيو لكتااب و تحققوا صلاابة نفسية لي اتخليكوم تجاوزوا أي مشكل كيف كاان. 👇👇

https://drive.google.com/resilience

بيييييس ✌️🐸