فاايت وقعاات ليكوم شي حااجة لي كاانت خاايبة و صعيبة بزااف، و ماتبغي تا شي وااحد يدوز منها. و لكن واخا هكااك، ديك التجربة نفعااتك. 

خلااتك تطور راسك، تولي إنساان لي ظريف، غيرات النظرة ديالك للحياة؟

بزااف ديال لحواايج لخايبين لي تيوقعوا لينا، تيكونوا فالواقع هدية ليينا، يلا عرفنا كيفااش نخدموهوم. و هادي هي الفكرة ديال هاد لكتااب لي سميتو "The Obstacle is The Way" أي ( العقبة هي الطريق ). 

بإختصار، هاد لكتااب تيعطي منظور الفلسفة الرواقية ( Stoicism ) للمشاكل و الصعاب لي تنواجهو فحياتنا، و كيفااش نخدموا دوك العوائق لي تنواجهوا باش نطوروا راسناا. 

و هادوا هوما أهم الأفكار لي فهاد لكتااب:

1️⃣ الطريقة باش تنشوفوا المشاكل لي تنواجهوا فحياتنا هي لي تتحدد واش غاادي تجاوز داك العائق ولا لاا. 

مثلا، وقعات ليك شي حااجة خاايبة، يلا جلستي تقول بأن هادشي عقاب من عند الله، و ديماا زهري هكاا، و هاادشي ديماا تيوقع، و عمري نطفروا، و گااع هاد لهضرة لي كاملين تنقولوا مرة مرة، و لكن هاد لهضرة تتخليك تحس براسك ضحية و ماغاديش تعاونك تخرج من المشكل. 

العكس هو يلا وقع ليك مشكل و قلتي مع رااسك، هاد لحاجة لي وقعات ماعاجباانيش و لكن واخاا ماعاجباانيش، غادي نشوف السبب و نلقى الحل و نطور راسي بسبب هادشي. 

يعني بلااصة ماتشوف لحاجة لي وقعات ليك خايية و واقفة ليك فالطريق، شوفها كوسيلة باش تطور و تبني رااسك. 

2️⃣ركز على لحوايج لي تقدر تسيطر عليهوم. 

بااش نضااعفوا حظوظناا و فرصناا فالنجااح، خااصناا نركزوا على الأمور لي راهاا فالإستطااعة ديالنا.

 مثلا فالوقت ديال كورونا، ماكاانش فالإستطااعة ديالناا نقرروا إمتاا يترفع الحجر الصحي ولا يرجعوا لعرااسات ولا يتساالاا منع التجول الليلي، گااع هادشي هذاا خاارج على إراادتنا. يلا بقيتي شااغل باالك معااه اتكون غي تااضيع وقتك، و غادي تحس بالضعف و الإحباط و الستريس. 

لي كان فالإستطاعة ديالنا هو نقرااو شي كتااب، نتعلموا شي مهارة جديدة،  نديروا شي حااجة لي نعاونوا بيها النااس، نحاولوا نكونوا إيجاابييت فدااك الوقت و نصبروا، واخاا هاد القضية صعييبة. 

بإختصاار فوسط أي مشكل، خاصنا نشوفوا الأمور لي خارجة على السيطرة ديالنا و نحاولوا ما أمكن نرضااو بيها؛ و نشوفوا لحواايج لي نقدرو نديرو و نفدوها بسرعة. 

3️⃣عيش اللحظة 

فااش تنكونوا إما غارقين فشي مشكل ولا باغيين نحققوا شي هدف، تنبقااو نفكروا فإمتاا نوصلوا لداك الهدف لي باغيين، و تنسااو بأن لي ايوصلنا لداك الهدف، ولا يخرجنا من داك المشكل هوما الأمور لي تنقوموا بيها داباا. 

داكشي لي تادير داباا هو لي غادي يحدد واش نتا اتخرج من داك المشكل و توصل لداكشي لي باغي، ولا ايدوز لعاام و يلقااك فبلااصتك. 

تنابه للأمور لي تادير بإستمرار حيت هوما لي تيحددوا حيااتك. 

هادوا بعض الأفكار لي كاينة فلكتااب، تنصحك تقرااه يلا عندك مشااكل فحيااتك لي باغي تلقى ليها حل و تجاوزها. 

كتااب لي قصير بزااف، فيه غي 150 صفحة و فيه بزاف ديال القصص، داكشي علااش تقدر تسااليه بالزربة. 

دخل لهاد اللياان باش تطيليشارجي لكتااب و تعلم كيفااش تستاافد من المشااكل ديالك و تجاوزهوم بسرعة 👇👇

https://drive.google.com/the-obstacle-is-the-way

بيييييس ✌️🐸