كيفااش تحسن صحتك النفسية و الجسدية فنفس الوقت؟ 

لحد الٱن هضرت على طرق بساطين لي تقدر تغلب بيها على الستريس و تزيد السعاادة ديالك. و لحد الٱن كناا تنهضروا على الأمور النفسية فقط.

و لكن يلا تتحس بالستريس رااه تقدر تخلص منو حتى بالإعتناء بصحتك الجسدية. 

و حااجة لي تقدر تبدا ليوما هي "اليوغا". 

اليوغا هي واحد التمرين لي تيجمع وضعيات جسم مختلف، تقنيات ديال التنفس، مع التأمل بااش تحسن صحتك الجسدية، النفسية، و العاطفية. 

و الدراسات لي داارت على ليوغا بينات بلي، اليوغا:

🔵تتنقص من الستريس و القلق

🔵تتحسن جودة النوم

🔵تتزيد الطاقة ديالك

🔵تتزيد المرونة، القوة، و التوازن الجسدي ديالك

🔵و تتنقص من ضغط الدم

فواحد الدراسة، المشاركين لي مارسوا اليوغا ل8 ديال الأسابيع حسوا بنقص فأعراض الإكتئاب و القلق، زائد واحد التحسن كبير فالسعادة ديالهوم. 

فدراسة أخرى، الناس لي كانوا تيعانيو من ألم فالظهر حسوا واحد النقص كبير من بعد مامارسوا لليوغا لمدة 12 أسبوع. 

صو، يلا كنتي أنك مهتم تبداهاا ها بعض النصائح لي أتعااونك: 

1️⃣قلب على شي بلاصة فين تعلم اليوغا حيت هوما ايوريك كلشي. 

2️⃣بداا بالشويا عليك و ماتحاولش من لول تولي محترف فيها ولا تقن دوك الوضعيات ديال الجسم صعيبة. 

3️⃣ركز على التنفس ديالك فاش تكون تتمارس اليوغا حيت هذا جزء مهم منهاا. و ديجاا هضرنا عليه من قبل. 

4️⃣خليها جزء من روتينك اليومي: اليوغا و أي حاجة لي كتبت و غادي نكتب عليها تيخصها المداومة بااش تعطيك النتائج لي باغي و تتستحق أنك تشوف فحياتك. 

و أحسن قنوات فيوتيوب منين تعلم هوما هاد الخمسة: 

(Yoga with Adriene - Tara Stiles - Do Yoga with Me - Fightmaster Yoga - Down Dog)

ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️