كيفااش الأفلام تتخلق المعجزات 

حسيتي بالملل فحيااتك و بغيتي تبدل الجو بالزربة؟ تقدر تخرج تلاقا صحاابك و تعيش معاهوم السعادة، أو تقدر تجلس فالدار بوحدك، و تخلق السعادة مع فيلم او سلسلة. 

فهااد الوقت، ولاا كلشي تقريبا مبلي بالأفلام و السيريات. من جهة بسبب Netflix لي غزاات العالم بالبراامج ديالهاا، و من جهة بسبب السعاادة لي تيعيش لوااحد فااش تيتفرج فشي فيلم و تيعيش معااه فشي قصة. 

و عارف بلي كلشي ديجاا فخبارو بلي الأفلام تيخليو الإنساان سعيد كتر. هاادي مااشي شي حااجة جديدة. 

و لكن لحااجة لي جديدة هي التأثير ديال الأفلام لكوميدية على الصحة النفسية ديالنا و الجسدية. 

الأفلام ديال الضحك عندها تأثير كبير عليينا. تتعاونا:

🔵نقصوا من الستريس

🔵تتنقص من ضغط الدم

🔵تتقوي جهاز المناعة

🔵تيطلقوا الإندورفين: لي هو هرمون ديال السعادة. 

و كااين واحد القصة مشهورة لي جاامعا هاد الفوائد كااملة. 

واحد السيد سميتو Norman Cousins خدم الأفلام و المسلسلات الكوميدية بااش يعالج راسو من أمرااض خطيرة تصااب بيها ديال القلب و مرض ٱخر سميتو "التهاب الفقرات التصلبي".

كاان تيشوف حلقات من برنامج ديال الضحك سميتو "I love Lucy" و أفلام و مسلسلات كوميدية. و لقى بلي غي الضحك لمدة 10 دقاايق حيد عليه الألم لمدة ساعتاين. و فالأخير عاالج رااسو؟

وااش غي بالضحك قدر يعالج هادشي؟ بطبيعة الحاال، لاا! كاان متبع علاج ٱخر، و لكن فالكتااب لي ألف "Anatomy of an illness" تيحكي قصتو و كيفااش الضحك كان جزء كبيير فالعلاج ديالو. 

و بطبيعة الحاال، ماشي غادي تسااين حتى تمرض بمرض خطير عااد تقدر تفرج فأفلام ديال الضحك، تفرج من داباا و إستفد من الفوائد الصحية و النفسية دياال الضحك. 

يلا ماعرفتيش، فااش تفرج هاا إقتراحات من عندي: 

🔴فيلم "the mask"

🔴فيلم "home alone" المشهور

🔴فيلم "scary movie" 

🔴فيلم "the naked gun"

🔴فيلم "Ferris Bueller's Day Off"

🔴فيلم "liar liar"

🔴سلسلة "the big ban theory" 

🔴سلسلة "Friends" 

🔴و قناة "Saturday Night Live" فيوتيوب

هااد الأفلام، سلسلات، قناة، و غيرهوم ايخلييوك سعييد كتر، تضحك بزااف، تفيد صحتك، و فاللخر تعيش مزياان. 

صوو، ماتنظنش أني خاصني نوصيكوم هاد المرة أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجاية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️