كيفاش الهضرة الإيجابية مع راسك تقدر تخليك أسعد. -الجزء الثاني 

هضرتي مع رااسك هاد النهاار؟ كاانت الهضرة زويينة ولا خاايبة؟ 

كاانت خاايبة، ليوما غادي نلقاو ليها الحل، و يلا كاانت زويينة، ليوماا أتحسن كتر. 

اخر مرة قلناا بلي العبارات الإيجابية لي تتعاود ديما عندهوم تأثير كبير على السعادة ديالك. 

نعطيكوم أمثلة: 

تقدر ببسااطة، تقول :"أناا إنساان سعيد" و تعااودها بزااف ديال لمراات، و تقدر تزيد درجة و تقول:

1️⃣ "أنا إنساان سعيد و تنستحق السعادة فحياتي"

2️⃣ "أنا تنختاار نشوف السعادة و الخير فكل وضعية و نحمد عليه الله"

3️⃣ "أنا إنسان سعيد لي تيفرح بلحااجة صغيرة و لكبيرة"

4️⃣ "أنا إنساان سعيد لي تيبغي النااس و النااس تيبغيوه و تندير لخير دييما" 

5️⃣ "أنا إنسان سعيد و ديماا تنتوقع الأفضل فالحيااة" 

قبل مانزيد فالأمثلة، نشرح ليكوم الفرق ما بين هاد العبارات و ما بين أنك تقول "أنا سعيد و صاافي". 

يلا قلتي أنا سعيد و سكتي، دمااغك غادي يعارضك ولا غاادي يجيك الشك، و تقول بااش عرفتي رااسك سعيد؟

و لكن فهاد الحاالة، لا. حيت فهاد الأمثلة، تتعطي واحد الوصف لي دقيق كتر. تتقول أنا سعيد و تتشرحها. و فهاد الوصف ديالك، كااين واحد الفعل لي يمكن ليك تقوم بيه بااش تكون سعيد و تبين لدمااغك. 

مثلا، يلا بقيتي تتعاود المثال 2️⃣ ديماا، غاادي يجي واحد الوقت لي توقع شي حاجة مامزياانااش، و لكن دمااغك غادي يتفكر ديك العبارة لي تتقول، و غاادي يشوف الخير فديك الوضعية. 

أماا يلا كنتي تتقول: أنا سعيد أنا سعيد و صاافي. دمااغك غاادي يباان ليه غي تتهضر و صاافي و ماغاديش تكون شي طريقة بااش تبثتها لرااسك. 

و بااش تخلي هاد "العبارات الإيجابية" تعطي مفعول كتر. ديرهاا مع الرياضة، إما تكون تتجري، تطريني، تمشى، ولا تقول بأي جهد و صاافي. 

و ماتقولش هاد العبارات غي فنفسك، و لكن قولهوم بصوت عالي بااش تحس فيهوم فالجسد دياالك كاامل. 

فاللول كتب هاد العبارات و خليهوم فشي بلااصة لي تشوفهوم فيها كل نهاار، بااش ماتنسااش تقولهوم. 

و شحاال ماعاودتيهوم، شحاال ماغاادي يوليو جزء منك. و شحاال ما ولااو جزء منك، شحاال ماغاادي تكون إنساان لي سعيد كتر.  

يقدر يباان ليكوم بلي هاد العبارات الإيجابية غي تخربيق و مضيعة ديال الوقت. فاللول، غاادي يجيوكوم تقال أنكم تعاودوهوم، و لكن مع المدة غاادي يعطيو نتيجة. 

صوو، كيما العادة، ماتنسااوش أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️