كيفااش التأمل فأفكاارك يقدر يحقق ليك السعادة؟

تقدر زعماا كتاابة افكاارك تخليك إنساان سعيد كتر؟ من خلال تجربتي هاادي عاام ولا عامااين ااه ممكن، و حتى تجربتي فالصغر. 

فااش كنت فالإبتدائي، كاان عندي واحد الدفتر لي كنت تنخربق فيه، كل مرة و شنو تنكتب. مرة تنكتب شنو وقع لييا فالنهاار، و مرة تنكتب شنو بااغي نولي مستقبلا، مرة تنكتب أبطاالي المفضلين من الرسوم لي كنت متبع، و مرة كنت تنكتب رسالة حب للكرااش ديال الطفولة. 🤣🤣🤣💓 

دااكشي لي كنت تنكتب كاان مختلف، و لكن الشعور لي كنت تنحس بيه دييما كاان نفسوا. كنت تنحس بوااحد الشعور زويين فااش فاللخر ديال النهاار، تنعطي لرااسي وقت لي تنخوي فيه أفكااري و تنحس برااسي تنتحااور مع رااسي، و تنعرف رااسي كتر. 

هااد العادة كنت رجعت ليها هاادي شي عاام يمكن و حبستهاا، و لكن فالوقت لي كنت تنديرهاا كنت ديماا تنحس برااحة أكثر و وضوح فحيااتي. 

تنعرف شنو لي غاادي مزياان، و شنو لي خااصني نصلح. و كل مرة كنت تنقااد شي حااجة، كنت تنحس بالفخر برااسي كتر. 

هاادشي كولوا فدقاايق فقط فالنهاار. 

يلا شديتي ورقة و ستيلو و كتبتي الأفكاار ديالك -زويينة و خاايبة - غادي تبدل حيااتك، و أتلااحظ بلي: 

🔵أعرااض الإكتئاب و القلق تتنقص

🔵تتعاونك تحل المشاكل

🔵تاطور معرفتك بذاتك

🔵تتعالج الصدمات النفسية

🔵و بطبيعة الحاال تتزيد من السعادة ديالك

صوو، كيفااش تبدااه؟

1️⃣شري من الأحسن شي كتااب، و ماتعتمدش غي على الهاتف باش تكتب أفكارك

2️⃣خصص وقت محدد كل نهار باش تكتب، و حافظ على هاد العادة

3️⃣كتب على لحاجات زوينة و حاول تخليها كتر من الأمور السلبية

4️⃣كتب بلا ماتباالغ فالتفكير وااش داكشي لي تتكتب صحيح ولا لا

5️⃣رجع مرة مرة تقراا دااكشي لي كتبتي بااش تلااحظ أفكاارك 

حناا تنعطيو وقت للنااس كاملين، و تنسااو نعطيو وقت لرااسنا. عطي وقت لي تجلس فيه مع رااسك و تأمل فأفكاارك بااش تخلص من ستريس و تحقق السعاادة. 

ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️