شنو هي أغنيتك المفضلة؟ 

هاد السؤاال ديماا تنسولوا للنااس لي عاد تنتعرف عليهوم حيت بالنسبة لييا ذوق الشخص فالموسيقى تيبين بزااف ديال المعلومات على شخصية لواحد، زائد أنه تيعجبني أني نكتشف موسيقى جديدة لي نسمع ليها. 

متأكد أنكم دزتوا من هاد التجربة: تتسمع لشي أغنية سعيدة، و ديك السااعة تتولي فرحاان و حااس بلي تقدر دير أي حااجة. أو العكس، تتسمع لأغنية حزينة و فجأة تاطيح على موجة ديال الحزن، و الكٱبة، و تتبدا تغير على رااجلك ولا مرااتك واخاا أصلا 5 سنين و نتاا مامصااحبش. 

يلا سولتي رااسك من قبل كيفااش هادشي تايوقع، ها الإجابة: فاش تنسمعوا للموسيقى، العقل ديالنا تيطلق الدوبامين لي هو هرمون ديال السعادة. و الموسيقى تتفعل واحد المنطقة فالدماغ ديال المتعة سميتها بلونغلي "the nucleus accumbens" لي تا هي مسؤولة على الإحساس بالمتعة. 

زائد، أن الموسيقى تتحفز واحد المنقطة فالدماغ سميتها "the amygdala" لي هي متعلقة بالأحاسيس. هادشي لي تيخلي المشااعر دياالنا تخربق فااش تنسمعوا للموسيقى، و تنحسوا بالحزن، الفرح، نوستالجيا على حسااب النوع ديال الموسيقى و علاقتنا بيها. 

صوو، رااه الأغاني و الموسيقى هوما واحد الوسيلة سريعة بااش تغير الحالة ديالك. الأغاني و الموسيقى:

🔵تينقصوا ستريس و القلقش

🔵يحسنوا التركيز دياالنا

🔵يحسنوا الذااكرة و القدرة ديالنا على التعلم

🔵و تيخليونا سعدااء حيت تيطلقوا الدوبامين، لي هو هرمون ديال السعادة

صو، يلا بغيتي تحس بهاد السعادة المجانية، سمع للأغاني، و هادوا أغاني لي تتخليني أنا نحس بالسعادة. 💓

1️⃣كااين "Happy" دياال Pharrell Williams

2️⃣كااين "the future is now" دياال Marloe

3️⃣كااين "faith" دياال Stevie Wonder

4️⃣كااين Gym Class Heroes Stereo 

5️⃣كااين "Shut up" دياال Greyson Chance 

6️⃣كااين "It's time" دياال Imagine Dragons

و كااين بزااف من غيرهوم، و يمكن ليكوم تقلبوا حتى نتوماا عليهوم. 

الموسيقى حااجة بسيطة لي تقدر تخليك سعيد فأي لحظة. 

بس: عاارف بلي الحكم ديالها حرام فالإسلام و من دابا ماتنقول لحتى شي واحد يخلي القرٱن و يسمع ليها. كل شخص يدير داكشي لي مقتنع بيه. 

و انشوفكوم المرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️