كيفااش حيوان أليف يقدر يغير حيااتك للأحسن

كيماا تيقولوا النااس، الكلب هو أفضل صديق للإنسان. و مااشي غي الكلب فقط، و لكن جميع الحيوانات ( الأليفة ) بإمكانهاا تكون واحد الصديق وفي و مخلص للإنساان، و أهم حااجة تخلييه يكون سعيد فحيااتو. 

مااعمرني ماربيت شي حيوان، صوو ماعنديش شي قصة شخصية لي نعاودها هاد المرة، و لكن تنعرف بزااف دياال النااس، و تنلاتحظ فنااس خرين لي كانوا تيعاانيو من الإكتئااب كيفااش ولااو سعدااء فااش ربااو شي حيواان أليف. 

وااش هاادشي تيعني بلي صاافي، غاادي تربي حيواان و المشااكل دياالك غاادي يتحلوا؟

بطبيعة الحاال لاا. و لكن الحيوان غاادي يعاونك فشحاال من حااجة. 

🔵تينقصوا من الوحدة: واخاا فهاد الوقت كااين سوشل ميديا و سااهلة تواصل مع النااس، و لكن نسبة كبيرة ديال البشر تتشعر بالوحدة. يلا ربيتي شي حيوان، قط مثلا، غاادي ينقص من شعورك بالوحدة. 

🔵تيقويو العلاقات الإجتماعية ديالك: يلا ربيتي شي حيوان أليف، غاادي تنقص من الوحدة ديالك حيت داك الحيوان تيولي صديقك. زائد، غاادي تلقى بلي عندك قاسم مشترك مع بزااف ديال النااس لي تاهوما مربيين شي حيوان. هادشي غاادي يخليك تلاقا و تعرف على نااس كتر، و غاادي يخليك شخص إجتماعي و سعيد كتر. 

🔵تيعيطيو لحيااتك هدف: هاادي تقدر تباان مباالغ فيها بالنسبة للناس، و لكن رااه صحيحة لدرجة كبيرة. فاش تتربي قط مثلا، و تتولي نتا مسؤول على لماكلة ديالو، نظافة ديالو، شي مراات حتى الصحة دياالو، هاادشي كاامل تيخليك تحس بالمسؤولية و بلي حيااتك عندها واحد الدور. 

🔵تيوفروا ليك الدعم العاطفي: الحيوانات تيحسوا بالمشاعر دياال صحاابهوم، و فاش تتكون تتمر بواحد التجربة لي حزينة غاادي يكونوا واحد المصدر ديال الدعم النفسي. و الحيوانات الأليفة تتخدم شي مراات فالعلاج النفسي ديال القلق، الإكتئاب و غيرهاا. 

🔵تينقصوا من ستريس:  الحيوانات الأليفة تتنقص من ستريس ديالك، و كاين دراسات لي تتبين بلي يلا ربيتي شي قط، هادشي غاادي ينقص من ضغط الدم ديالك، و ينقص من هرمون ستريس ( Cortisol ). 

و فاش تادوز وقتك مع حيوان أليف، تتستفد تقريبا من نفس الفوائد ديال التأمل.

صوو، هاادشي كاامل غي بااش نقوليك بلي حيوان أليف هو حااجة لي تقدر تسااعدك تنقص من الستريس و تخليك سعيد كتر فحيااتك. 

بطبيعة الحال كااين مشااكل و أمور لي خااصك تاخدها بعين الإعتبار يلا كنتي أتربي شي حيواان، و لكن يلا قاادر تحمل المسؤولية رااه شي حااجة لي زويينة و غاادي تنفعك. 

صو يلا فالإستطاعة ديالكوم، ماتنسااوش أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️