كيفاش الهضرة الإيجابية مع راسك تقدر تخليك أسعد

أي واحد فينا فااش تيكون جاالس مع رااسو و تيباان سااكت، تيكون فالحقيقة تيتحااور مع رااسو. تيكون فواحد المحادثة مع رااسو لي تااطول بزااف. 

غي هو المشكل بالنسبة للكثير فيناا ديك المحادثة تتكون عامرة بالأفكاار السلبية و جلد الذات. 

بحاال فااش مادزتش فمباراة التعليم للمرة الأولى، بقيت تنعااير رااسي و تنقول "ماالي تنطير؟"، "لااش أناا دييما تنخرج على رااسي؟"، "ماالي تنتكلخ؟"، "علااش أنا دييما اللور؟" ... و غيرهاا. 

و داباا العقل ديالناا دااير فحال غوغل، يلا سولتيه "علااش أناا دييما دااير هكاا" غاادي يجااوبك. و الجوااب ماغااديش يعجبك بطبيعة الحاال، حيت نتاا تتسول رااسك فواحد الحالة النفسية لي تتكون حزين و مدمر فيها. 

صوو، شنو هو الحل؟

الحل، هو تبدل الطريقة بااش تتحاااور مع رااسك. تبدل ديك المحادثة لي تاضور فعقلك. 

و هااد القضية أتكون صعيبة فاللول، حيت فااش تتكون حيااتك كااملة و نتاا عندك نفس الأفكاار السلبية لي تادور فدمااغك، اتكون صعيبة أنك تحيدها بين عشية و ضحاها. 

و لكن يمكن تحيد. 

من ضمن لحواايج لي تقدر تدير بااش تحيد هاد الأفكار و المحادثات السلبية هي حاجة تتسما ( affirmations ولا incantations ) و هوما بإختصاار عباارات إيجاابية لي تتبقى تعااودها ديماا حتى تيوليو جزء منك. 

بحاال شي أغنية لي عااد خرجاات، يلا سمعتي لييها بزااف ديال المراات، اتلصق فرااسك و تبقى تعااودها كل لحظة، غي هو هاد المرة نتاا تتختاار أنك تلصق هاد "الأغاني" فرااسك، و غاادي ينفعوك فحيااتك. 

و درااسة لي تنشراات فمجلة علم النفس و الصحة ثبتات بلي النااس لي كاانوا تيمارسوا هاد العبارات ف 4 ديال سيمانات ولااو سعدااء كتر و مرتااحين فحياتهوم كتر.

صوو راهوم تينفعوا: تينقصوا ليك ستريس، تيخليوك تاايق فرااسك كتر، تيعاونوك تخلص من الأفكار السلبية، و تيخليوك سعيد كتر. 

و قبل مانشرح ليكوم كيفااش تخدموا هااد العبارات - و تيتسمااو حتى التوكيدات - خااصني نوضح واحد لحاجة. 

بزااف ديال النااس عندهوم فكرة ماصحيحااش على هاد العبارات. تيصحاابو، يلا بقاا تيعااود عبارات بحاال "أنا سعيد" ولا "أنا إنساان نااجح" رااه غاادي يكون تيكدب على رااسو و غي تيحلم. 

هو ااه تتباان ليينا هكاا، و لكن الطريقة لي غاادي نشرح هاد العبارات بيها اتكون مختلفة بزااف و عملية كتر. 

شنو هي هاد الطريقة؟

نخليوها حتى للمرة الجااية و نشرحوها، صاافي؟ ديجاا طولت عليكوم بزااف. قبل ماتمشيو، فكروا فشي فكرة سلبية لي تادور ليكوم دييما فدماغكوم. 

و كتبوها فشي ورقة، و وجدوا راسكوم باش تخلصوا منها فالأسابيع لي جااية. 

و أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️