كيفااش العناية بالنفس تقدر تحسن عقلك، جسدك، و الروح دياالك!

إمتاا ٱخر مرة عطيتي لنفسك شوييا ديال الوقت و الرااحة؟ 

يلا تتحس بالستريس الإرهااق، التعب، و بلي عليك وااحد الثقل كبيير كل يوم، رااه إذن جاا الوقت بااش تهتم برااسك. 

بزااف ديال التعب و الستريس ديالناا فالحيااة تيكون سباابو أنه تنبقااو غي نخدموا و تنسااو مانعطيو وقت لراسناا فين نرتااحوو. 

فااش كنت يالاه بديت تنقراا فتطوير النفس، علم النفس، و الصحة النفسية، وليت مهووس بهاد المجالات لدرجة كنت تنقرا لمدة 12-14 سااعة فاليوم. و كنت تنقراا ل 7 اياام فالأسبوع. 

يعني ماتنرتااح حتى نهاار. 

فلول كاانت جااياني عادية و لكن من بعد وليت تنحس بالإرهاق بزااف، و كان هادشي تيأثر على صحتي. 

تماا قررت بلي ماغاديش نبقى مركز غي على لقرااية و لكن غادي نعطي وقت لراسي لي نرتااح فيه. و نرد النفس دياالي فيه. 

و هاد الوقت لي تنعطي و خاصكوم تعطيو لراسكوم حتى نتوما، راه ماشي مضيعة ديال الوقت. بالعكس تينفعناا فبزااف ديال لحواايج. 

🔵تينقص الستريس

🔵تيزيد الطاقة ديالناا

🔵تيحسن النوم دياالنا

🔵تيزيد من إعتزازك بنفسك

🔵و تيخلييك سعيد بزااف

صوو، كيفااش تهتم برااسك؟ شنو تقدر تدير؟

كااين بزااف ديال الأنشطة، و غاادي ندير هنا غي لي فاابور و سااهلة. 

بالنسبة للرجاال و العيالات تقدروا

🔴تمشى فالطبيعة

🔴تمارس التأمل

🔴تقوم بتمارين رياضية

🔴تقرا كتااب

🔴تسمع للموسيقى

🔴تفرج فأفلام، مسلسلاات 

🔴تلاقا بالأصدقاء و العائلة

🔴تدوش

🔴تبداا تكتب فمذكرة أفكاارك

🔴تسمع أو تقرا للقرٱن

تقدروا ديروا هاادشي ولا شي حااجة أخرى. المهم هو أن الإنساان يعطي لرااسو وقت فين يرتااح، وقت فين يتشاارجاا، وقت فين يبعد على لخدمة و صداعها، وقت فين يعيش الحيااة و يختبر جمالهاا. 

أش تتسناا بااش تعطي لرااسك هاد الوقت؟ 

عطي لراسكوم هاد الوقت داباا و ماتنسااوش أنكم تخدموا هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️