كيفااش تتحس فالصبااح فااش ماتتكونش نااعس مزياان؟

تتفيق و تتحس بالطااقة و تيكون فيك ماتبداا النهاار؟ ولا ماتتقدرش تنوض من لفرااش. و حتى يلا نضتي، دااك النهاار تيكون تقيل. 

و العكس صحيح تا هو. فااش تتكون نعستي مزياان شي 8 ديال سواايع، تتفيق و دمااغك مرتااح، عينيك محلولين، و فرحاان. 

فالغالب الثلث دياال الحياة ديالناا تيمشي فالنوم. و هاد الوقت لي تيمشي راه ماشي مضيعة، و لكن إستثمار فالراحة و الصحة ديالنا -جسدية و نفسية. 

بزااف ديال الدراسات تتبين العلاقة ما بين النوم و السعادة. و حتى تجربتي الخاصة - و تجاربكم - تتبين هاد لقضية. 

لعاام لفاايت فاللول ديال لقرااية، كنت تنلااحظ بلي تيرجع لييا ستريس، تنداابز مع بناادم بزااف على والو، و تنحس بشوييا ديال الإكتئاب. 

قبل مايكبر المشكل، جلست مع راسي و قلت انا دييجا عاارف گااع المشااكل و الحلول لهادشي. شنو هو المشكل لي وقع و خلااني نرجع نحس بالإكتئااب. 

فكرت فشحاال من حااجة و من بعد لقيت بلي وليت تنعس معطل و تنفيق بكري. و فااش عرفت سبب المشكل، قدرت أني نحلوا. 

ديك السااعة قاديت النعااس دياالي، و مشااو دوك المشااكل النفسية لي بديت تنحس بيها. 

الفوائد لي حسيت بيها - و لي غادي تحسوا بيها يلا قاديت نعاسكوم - هوما:

🔵تنقص من ستريس

🔵تحسن القدرة ديال عقلك على الفهم و القرااية 

🔵معالجة المشااعر السلبية: فاش تنعسوا دماغنا تيتعامل مع داكشي لخايب لي وقع لينا فالنهاار، و تينقص من التأثير ديالو علينا. 

🔵و تيزيد السعاادة دياالنا. 

و هاادشي كولو زويين، و لكن المشكل هو كااين بزااف ديال الناس لي باغيين ينعسوا و لكن بسبااب ستريس، مشااكل، و تخربيق ديال الدنياا، ماتيقدروش. 

شنو هو الحل فهاد الحاالة؟ 🐸

الحل تينقسم ل 2 حواايج: حواايج لي خااصنا نديرو فلبلااصة فين تنعسوا - بيتك و فرااشك - ؛ و حواايج لي خااصك تدير لعقلك. 

بمعنى، يلا كنتي ماتتنعسش، رااه بسبااب ستريس و شي حااجة لي وااحلة ليك فرااسك. 

كيفااش تعاامل معاهاا؟

سؤاال زويين، و لكن غاادي نخليو حتى للمرة الجااية بااش نجاوبوا عليه. 

دابات بغيتكوم تكتبوا فقط لحااجة لي فااش تتجيو تنعسو، تتبقا فبالكوم مقنطاكوم. و من بعد غادي نهضروا على كيفااش تعاامل معاهاا. 

أنشوفكوم المرة الجاية  فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️