كل واحد و الأهداف، الطموحات ديالو، و الطريق لي غادي ياخد فالحياة. 

و لكن من تجربتي و تجربة العديد، كااين شي أمور لي ضروري انك تعرفهاا و غاادي تعاونك تحقق الأهداف ديالك كيف ماكانوا، و بسرعة. 

1⃣اول حااجة لي هي بديهية و خااصك تكون عارفها هي الطموح ديالك نتاا. شنو هي المهنة ولا الهدف لي بااغي تحقق فحياتك. هاد السااعة أنفترض بلي كلشي ديجاا قرر و عرف شنو المهنة و التخصص لي باغي يمشي فيه من مور لباك، و ندوزوا للحاجة الثانية لي خاصك. 

2⃣لحااجة ثانية لي خاصك هوما Hard skills أي المهارات الحيوية ولا الجوهرية. هاادو بإختصاار تيعنيو شنو هوما لمعارف، لقرااية، ديبلوم لي خااصك باش تخدم فواحد المهنة معينة.

بغيتي تكون طبيب، مهندس، محامي، أستاذ، بوليسي، دير مشروع ديالك، تيخصك مجموعة ديال لمعاارف باش تخدم فهاد المهنة. تيخصك تقراا عليها و هاادشي بطبيعة الحاال أتديروه فالجامعات ولا المدارس فين اتقراو مور البااك.

و لكن الجاامعة و المدارس لقرااية ديالهوم محدودة. ماغااديش يعطيوك كلشي و راكوم عارفين هاد لقضية. و تنظن بلي راكوم عارفين حتى بلي كااين يوتيوب فين تقدروا تقرااو كتر. و لي بغيت نهضر عليه داباا هو واحد المصدر لي رااه من أحسن المصاادر ديال التعلم. هاد السيت هو Coursera.org 

هاد الموقع هو منصة لي أحسن الجامعات فالعالم تتحط فيه دورات تكوينية فجميع التخصصات. و المستوى ديالهوم طالع بزااف. 

هاد الشواهد لي غادي يعطيوك، اتزيدهوم ف CV و أتضمن بلي نتاا اتكون متميز على أي شخص اخور، تاضمن المستقبل ديالك حيت اتلقى خداامي حسن بيهوم، و تاطور رااسك. 

🔵*كااين طريقة بااش تقراا فابور فهاد السيت، لي بغاها يدوز بريڤي، أو ينتظر بوسط اخور فين انشرحها. 

3⃣لحااجة ثاالتة لي محتاجين هي Soft Skills. 

نفترضوا نتا قريتي على التخصص ديالك و كنتي لول فالقسم ديالك، و لكن فااش تادفع CV بااش تخدم، ماتتعرفش تجااوب فمقابلة عمل ولا تقنع الشركة باش تخدمك، وااش غاادي تخدم؟

فالغالب لاا، حيت الإنساان محتااج واحد المهارات إضافية لي اتعاونك تخدم مزياان. هاد المهارات تتكون غالبا متعلقة بالشخصية ديالك، بحاال: التواصل، الإقناع، حل المشكلات، تدبير الوقت. 

هاد المهارات ايعاونوك تحسن الأداء ديالك فالعمل، الحياة، تبني شخصية قوية و تكون تاايق فرااسك. 

🔵يمكن ليك تاخد هاد المهارات من Coursera, الحياة الواقعية، و العمل التطوعي، و غادي نشرحهوم كتر من بعد. 

4️⃣ لحاجة رابعة هي تدير "لمعاارف"

أي حااجة لي نتاا باغي ديرها، كااين واحد الشخص لي ديجاا دارها من قبل و يقدر يعاونك انك ديرها يلا  عرفتي هاد الشخص شكون، لقيتيه، و قدرتي تقنعوا أنه يسااعدك. 

هادشي علااش خاصك تعرف على نااس لي سبقوك للمجال ديالك، و تبني علاقات معاهوم. 

🔵يمكن ليكوم ديرو هادشي فموقع Linkedin، و حتى من خلال العمل التطوعي لي ذكرت. 

و هادي أكثر حاجة غادي تختصر عليكوم الطريق ما بين أحلامكم و فين نتوما. 

بس: غادي نشرح كيفااش تطوروا Hard skills, soft skills, & العلاقات ديالكوم بتفصيل كثر من بعد. 

بس2:  هاادشي لي كتبت هو شي حااجة لي من قلبي تنتمنى كون شي حد قالها لييا فاش شديت لباك و فاش كنت تنقرا فلافاك، علييها اهتمواا بزااف بهااد لهضرة. اتنقص عليكوم تماارة.

💓و فالأخير مبروك للنااس لي نجحوا فالبااك و السيزيام هاد لعاام، و بالتوفيق فالأياام المقبلة إن شاء الله. 

بييييس ✌️