أفضل طريقة بااش تكون سعيد هي أنك تقدم خدمة للٱخرين

فأغلب الأوقات فااش الإنساان تيفكر فكيفااش يكون سعيد، تيفكر فرااسو، فشنو يقدر يااخد، شنو يقدر يدير، فشنو لحواايج لي غاادي يستاافد منهاا بااش يكون سعيد. 

و لكن رااه يمكن ليينا نلقااو سعاادة حقيقية فخدمة الٱخرين. 

كااين بزااف ديال الدراسات و الأبحااث لي كاتثبت أنك فااش تتقوم بواحد العمل تطوعي، تتكون سعيد أكثر و هادشي تيكون عندو تأثير إيجاابي على صحتك النفسية. مثلا: 

🔵تتحس بلي حياتك عندها واحد الهدف نبيل، و تتقدم خدمة للصاالح العاام. 

🔵تتبني علاقاات إجتمااعية مع نااس ٱخرين، و كيماا قلناا من قبل العلاقات الإجتمااعية الإيجاابية دياالنا، عندهاا دور كبير فالسعادة ديالنا. 

🔵تتزيد من ثقتناا بأنفسنا حيت تنطوروا راسناا و تنتعلموا حواايج جداد. 

🔵تتحسن صحتنا الجسدية، تتنقص من ضغط الدم، و تتقوي جهاز المنااعة ديالنا. 

🔵تتنقص من الستريس: فااش تاتطوع، تتخوي ستريس من رااسك حيت تتحس بلي نتاا قادر تحكم فحيااتك. 

و كااين درااسة داارتها الشركة الوطنية للخدمة المجتمعية بيناات بلي النااس لي تايقوموا بأعمال تطوعية إجتمااعية  تيكونوا فرحاانين كتر، راضيين على حياتهوم، و عندهوم نسبة أقل أنهم يعانيو من الإكتئاب فحياتهوم. 

صوو، شنو تتسنى! ليوماا بدااو تفكروا فشي أعمال تطوعية لي تقدروا تقدموا، مع شي جمعية ولا غي راسكوم. تكون حااجة صغيرة ولا كبيرة.

المهم هو أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️