يلا كانت عندك واحد العصا سحرية و كان بأمكاانك تحقق أي مستقبل لراسك؟ تعيش كيف بغيتي، فبلااصة لي بغيتي، مع النااس لي بغيتي، و دير لي بغيتي، فالوقت لي تبغي نتاا؟

شنو غاادي تحقق؟ كيفااش غاادي يكون هاد المستقبل ديالك؟

أي إنساان لي عندو واحد المستقبل و طموح و عاارف كيفااش يخدم عليه، غاادي يكون سعيد فحيااتو. 

و تقريبا أي إنساان لي ماعندوش شي مستقبل فبالو، ماعندوش شي طموح - صغير ولا كبير - اتلقااه حزين، حااس بالضياع و الفراغ فحياتو، و يمكن حتى الإكتئاب. 

كلشي فينا محتااج يكون عندو وااحد الطموح لي تيخليه يفيق فالصباح و ينوض يتقاتل بااش يحقق الطموح ديالو، يخليه يتقاتل بااش يطور راسو، و يخرج من منطقة الرااحة ديالو. 

و بااش تكون الحياة ديالنا متوازنة تيخصنا طموحات و اهداف فجوانب مختلفة: الصحة، العمل، علاقاتنا الإجتماعية، الشخصية ديالنا، جانب الذكاء، الإستمتاع بالحياة، الدين و غيرها. 

هاادو أمثلة على جواانب من الحياة لي مهمة و خاصنا نفكروا فكيفااش باغيين نطورو أنفسنا فهاد الجوانب. 

1️⃣ صوو داباا فكر ولا كتب كيفااش بااغي تكون الصحة ديالك من داباا 3 أشهر ولا 6 أشهر ولا عام ولا كتر. 

نفس الشيء ديرو لعلاقتك مع الناس، كيفااش تبغي شخصيتك تكون، كيفااش باغي تكون العلاقة ديالك مع الله، شنو نوع الخدمة لي باغي تدير. 

و فهاد المرحلة ماتفكرش فوااش اتقدر تحقق هادشي ولا لاا، فقط فكر فشنو باغي تحقق. 

2️⃣لحااجة الثانية فكر فالأسباب علااش بااغي تحقق هاد الأهداف. 

شنو غادي تستاافد يلا تهليتي فصحتك، حسنتي علاقاتك الإجتماعية، لقيتي الخدمة لي نتاا بااغي. 

الأسباب هوما لي غادي يخليوك تحس بالحماس - يلا كانوا أسباب متميزة - و ايخليوك تفيق فالصباح و تقاتل باش تحقق داكشي لي باغي فحياتك. 

3️⃣ٱخر حااجة فكر فشنو هوما الأمور لي تقدر تدير بااش تحقق هاد الأهداف. 

دير واحد اللائحة، و شوف أسهل حاجة فديك اللائحة و ديرها. هاد لحاجة بسيطة و لكن اتعطيك لموتيڤاسيون و اتخليك تحس بلي يمكن ليك تحقق دوك الأهداف. 

اتيق فرااسك كتر و اتبداا واحد الحياة مختلفة تماماا على الحيااة لي عشتي من قبل. 

ماتنساش بلي يمكن ليك تبدا غي بشوييا و توصل لبزااف ديال الأمور. 

و ماتنسااش أنك تخدم هادشي فحيااتك من داباا للقداام. و ماتخليش هادشي يكون غي شي معلومة لي تتقراها فقط. 

و هكاا أتكون بديتب فأنك تتحكم فالسعادة ديالك. 

بييييييس 🐸✌️