كيفااش تبني ثقتك بنفسك!

عمر داازو عليك شي لحظات لي كنتي تاايق فرااسك بزااف؟ عاارف بلي راك تقدر تدير اي حااجة؟ و تا شي حااجة ماتقدر توقف فوجهك!؟

عااقل شحاال كنتي سعيد ديك السااعة؟

السعادة عندها علاقة قوية بالثقة بالنفس، ماكاينش شي إنساان لي سعيد و ماتاايقش فرااسو فنفس الوقت، و العكس صحيح. 

بطبيعة الحال تنهضروا على الثقة بالنفس و السعادة الحقيقية مااشي فااش شي حد تيزيفها. 

كااين لي تيظن أن الثقة بالنفس شي حااجة لي تتولد بيها، و كاين لي تيقول أنه إنساان حشومي و مايمكنش يكون تاايق فرااسو. 

و لكن بجوج هاادو غالطين. 

الثقة بالنفس و السعادة واحد العضلة لي تتبنى، و اي واحد يقدر يطورها واخاا يكون حشومي. و خير مثال هو أنا: فطفولتي كنت حشومي بزااف و كانت الثقة بالنفس أبعد حاجة لي نقدر نحلم بيها، و لكن هادشي تغير داباا. 

و أسهل طريقة باش تبني ثقتك بنفسك هي تفكر گااع لحواايج زوينين فيك؛ تفكر جميع الأمور لي حققتي ديجاا، واخاا يبانو ليك صغاار، فكر فيهوم. 

حيت فواحد الوقت كانوا أهداف لي عندك و حققتيهوم. 

مثلا: تفكر بلي رااك شديتي لباك، تعلمتي شي لغة ولا شي مهارة، تجاوزتي شي خوف كان عندك، سافرتي بوحدك ولا درتي شي مغامرة، تجاوزتي شي فشل، واجهتي شي موقف صعيب، مشكل لي حليتي لشي شخص، مساعدة لي قدمتي للناس بلا مايطلبوها منك، رتبتي بيتك. 

فكر فأبسط الأمور لي حققتي و كتبهوم. و بقاا تقراا دوك لحواايج كل نهاار و هكاا أتبني ثقتك بنفسك. 

و رااه عندك بزااف ديال الامور لي حققتي ديجاا غي نسيتيهوم. صوو فكر مزياان، و سول صحابك يعاونوك تفكر يلا نتاا نسيتي. 

و عندااك تنسى أنك تخدم هادشي فحيااتك من داباا للقداام. و ماتخليش هادشي يكون غي شي معلومة لي تتقراها فقط. 

و هكاا أتكون بديتب فأنك تتحكم فالسعادة ديالك. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️