علااش مهم يكون عدناا أصدقااء وفيين فحيااتناا؟

كيداايرين الأصدقااء لي عندك فحيااتك؟ 

وااش هوما نااس لي متشائمين و تيشوفوا ديما الأمور بطريقة سلبية. تتمشي عندهوم و نتاا فرحاان ولا على الأقل مرتااح، و لكن من بعد ماتتجلس معاهوم تتحس بشوييا ديال الكٱبة. 

ولا نااس لي فااش تتجلس معاهوم و تتشوفهوم تتحس بالسعاادة؟ 

تنظن كلناا عدناا هاد النوعين ديال الأشخااص فحياتنا، و هاد النوعين بجوج تيأثروا على حيااتنا. واحد بطريقة سلبية، و وااحد بطريقة إيجاابية. 

و يلاا كناا تنبغيو رااسنا و عاارفين المصلحة دياالنا، خااصنا ندخلوا ناس إيجابين لحيااتنا. السبب هو أن النااس الإيجابيين:

1️⃣تينقصوا الستريس من حيااتك و تيخلييك شخص سعيد و عندو نظرة إيجاابية للحياة. 

2️⃣تيعطيوك لموتيڤاسيون و تيخلييوك تقااتل باش تحقق أحلامك، عكس النااس لي غادي غير يفشلوك. 

3️⃣تيحسنوا علاقاتك الإجتمااعية. غالباا هاد النااس تيكون عندهوم لمعاارف بزااف، ويلا تعرفتي عليهوم غاادي تطور علاقاتك الإجتمااعية. 

4️⃣تيعاونوك ترفع من تقديرك و احتراامك لنفس، حيت غادي يكونوا تيشكروك و يموتيڤيوك، و هادشي ايخليك تاايق فرااسك بزااف. 

و تنظن كلنا عارفيين هادشي ديجاا حيت كلناا كان عدناا تجاارب فهاد القضية. 

أناا كنت فوااحد الوقت إنساان سلبي بزااف لي تيشوف غي المشااكل بسبب واحد الصديق ديال الطفولة لي كانوا عندو مشااكل عاائلية بزااف و كاان دييما تيعااود لييا على المشااكل دياالو. 

و من بعد مدة ديال الصدااقة، لاحظت بلي رااني ولييت بحاالو تا اناا. 

و لكن من بعد مابديت تنطور من رااسي و ندوز وقتي مع نااس إيجابيين لقييت بلي التغيير بداا فييا. ولييت تا أناا إنساان إيجاابي و مابقييتش تنباالغ فالتفكير ديما. 

للإشاارة، هاادشي ماتيعنييش أنه خااصك تخلص من گااع النااس السلبيين فحيااتك. يقدروا يكونوا أفراد من العائلة ديالك، أصدقاء الطفولة، ولا نااس لي تتحتاارم بزااف و ماتبغيش تخلص منهوم. 

فاللول بداا بأنك تحاول تخليهوم إيجابيين كتر، ويلا هادشي مانفعش، نقص من الوقت لي تادوز معاهوم، و عااد فالأخير يلا لقيتيهوم تيسببوا ليك مشااكل نفسية كتييرة، ديك السااعة ايخصك تخلص منهوم، حيت السعاادة ديالك نتاا هي أهم حااجة. 

كااين شي نااس سلبيين لي عواال تخلص منهوم؟ اولا نااس إيجاابيين بااغي تحيط رااسك بيهوم كتر؟ 

فكر فيهوم من داباا و ماتنسااوش أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️