كيفااش المساامحة تخليك أكثر سعاادة! الجزء الأول 

عمر شي حد ٱدااك فحيااتك؟ 

سؤاال غبي هذاا يمكن! حيت أي إنساان لي تزاد فهاد الأرض تيوقعوا ليه حواايج خاايبة فحيااتو، و غالباا تيكون واحد الشخص لي تسبب فهاد لحواايج. 

صوو، غالباا الجوااب هو ااه. 

ندوزوا لسؤاال ٱخر! 

ساامحتي هااد الشخص لي ٱذااك؟ مزاال تتفكروا و تتفكر دااكشي لي داار ليك؟ تتكره هااد الشخص؟ بغيتي تنتقم منو؟ ولا صاافي درتي دااكشي لي وقع مورااك، و زدتي للقداام؟

هذاا سؤاال لي خااصنا نفكروه فيه مزياان. و يلا كنتي مزاال ماساامحتي دااك الشخص لي داار ليك شي حااجة خاايبة، هذاا هو الوقت بااش تساامحوا. 

و قبل ماتقولها نتاا، غاادي نقولها أناا. 

أنا ماعاارفش شنو داار ليك هااد الشخص و العداب لي سبب ليك فحيااتك. و ماعاارفش علااش تتكره هاد الشخص و ماقاادرش تساامحوا 

و ماتنقولش بلي رااك غاالط يلا كنتي تتكرهوا، بالعكس هاادي ردة فعل طبيعية لي عند كل وااحد. 

و لكن لي غاادي نقولك هو يلا كنتي تااظن بلي رااك تتعااقب هااد الشخص لي داار ليك شي حااجة خاايبة عن طريق هااد الكره، فرااك غاالط. 

دااك الكره لي هااز فقلبك لدااك الشخص تيضرك نتاا، و يلا ساامحتي داك الشخص غاادي تنتفع نتاا فحيااتك. 

و ماتنقصدش بالمساامحة، أنك تمشي و تصاالح مع دااك الشخص و تولي صحااب عوتاني. لي تنقصد هو أنك تحيد دااك الكره من قلبك و تعيش حيااتك بشكل لي غادي ينفعك. 

و هاادوا غي 5 من ضمن أحسن الفوائد ديال المساامحة:

1️⃣تنقص من الستريس: المساامحة تتنقص من واحد الهرمون سميتو "Cortisol" لي تيسبب الستريس لينا. 

2️⃣تحسين العلاقات: المساامحة تتحسن علاقتنا مع النااس. فااش ماتاديرش فباالك و ماتتخليش العلاقة تخسر على مشكل بسيط، تيقدرك الشخص الٱخر و تتحسن العلاقة بيناتكوم. 

3️⃣تحسين الصحة الجسدية: كااين دراسات بينات بلي المساامحة تتنقص من أعرااض الألم المزمن، تتخفض من ضغط الدم، و تتحسن جودة النوم.

4️⃣تتقوينا نفسيا: المساامحة تتخلينا نرجعوا دغياا من المشااكل. فااش ماتتعمرش رااسك بالمشااعر السلبية، تتكون قادر على أنك تزيد للقداام و تواجه أي مشكل جا قداامك. 

5️⃣تتزيد السعادة ديالنا: المساامحة تترفع من المشااعر الإيجاابية بحال الفرح و السعاادة و تتحسن حالتناا النفسية. 

هاادوا غي شوييا من بزااف ديال الفوائد لي غاادي تنتفع بييها يلا قدرتي تساامح الشخص لي ٱدااك. 

فالبوسط الجااي، غاادي نتعمقوا فكيفااش تقدر تساامح أي شخص. أما داباا بغيتكوم تختاروا واحد الشخص لي داار ليكوم شي حااجة خايبة و بسيطة، و غاادي نهضروا على كيفااش تساامحوا. 

🔵ختاار شي وااحد لي داار ليك شي حااجة بسيطة و شبه تافهة بااش نبدااو بيه. و من بعد غاادي تدوز و تساامح نااس لي دارو ليك حواايج كبر. 

صوو، كيما العادة، ماتنسااوش أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم المرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️