شنو هو الحلم ديالك؟ 

فأغلب هاد المنشورات ركزت على أمور داخلية متعلقة بالسعادة و الرضا عن النفس، و لكن ماغاديش نكروا بأن جزء كبير من السعادة متعلق بأهداف لي عدنا. 

بزااف فينا تينتظر انه يحقق شي اهداف عاد يحس بالسعادة. و على الرغم من أن هاادي مااشي أحسن طريقة بااش تكون سعيد، انهضروا عليها واخا هكااك.  

الجاانب السلبي فأنه تدير أهداف هو غالبا تتربط السعادة ديالك بتحقيق دوك الأهداف. و لكن الجانب الإيجابي هو أنه باش تحقق الاهداف ديالك تيخصك تعلم مهارات و تطور رااسك، و هاد تطوير النفس هو منين تتجيني السعادة. 

حيت فاللخر رااه مااشي داك الهدف لي تيخليك سعيد، لي تيخليك سعيد هو فااش نتاا تتولي شخص اخور، شخص ناجح، شخص لي عندو مهارات و قادر يدير أي حااجة. 

بااش نضمنو أن الأهداف ديالنا يحققوا السعادة، خاصنا نركزوا على شي أمور. 

1️⃣الأهداف ديالك خاصها تكون متعلقة بيك نتا و متعلقة بشنو باغي، ماشي أهداف لي تابعها غي حيت واليديك ولا المجتمع فرضها عليك. 

2️⃣قسم الهدف ديالك لأجزاء صغيرة: يلا كان عندك هدف كبير و بغيتي تديرو فدقة وحدة، تقدر تحس بلي راه مستحيل توصل ليه. و تقدر ماتبدااش الخدمة من لول. 

و لكن يلا قسمتيه لأجزاء و أهداف صغرى، اتيق فرااسك كتر و غاادي تخدم عليه. 

3️⃣فتاخر بأي تقدم تتحرز: يلا ساينتي حتى توصل للهدف ديالك عاد تكون سعيد، غادي تسااين مدة طويلة و تقدر تمل و تخلى على الهدف ديالك. و لكن يلا فتاخرتي براسك و أي تقدم تادير، غادي تكون سعيد حتى قبل ماتوصل لداك الهدف. 

4️⃣خلي التعلم ديالك يكون هو الهدف الرئيسي: فااش تجرب شي حاجة باش تحقق الهدف ديالك و ماتاخدش النتائج لي باغي، سول راسك شنو نقدر نتعلم؟ 

و خودها كتجربة فقط، و ماشي كفشل. و ماتنسااش تعلم من التجربة ديالك و تغير الطريق لي غادي فيها باش تحقق الهدف ديالك. 

و ماتنسااش أنك تخدم هادشي فحيااتك من داباا للقداام. و ماتخليش هادشي يكون غي شي معلومة لي تتقراها فقط. 

و هكاا أتكون بديتب فأنك تتحكم فالسعادة ديالك. 

أنشوفكوم لمرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️