كيفااش تغلب على الشعور بالنقص؟ الجزء الثاني 

هضرنا المرة لفايتة على منين تيجي الشعور بالنقص، و دابا انشوفوا كيفااش نتغلبوا عليه. 

ديك الفكرة ديال "أناا إنساان لي نااقص" ولا "تا حد ماغادي يبغيني على طبيعتي" هي فكرة لي عندك، و لكن فكرة لي عاودتيها بزااف ديال المراات حتى ولاات معتقد ... يعني فكرة لي متشبت بيها بزااف. 

و لكن الطريقة سااهلة بااش تخلص منهاا. 

1️⃣أول خطوة هي تخلق الشك

سول رااسك وااش بصح أناا إنساان لي نااقص؟ بصح تاحد مايبغيني على طبيعتي؟ وااش عندك جميع الأدلة لكاافية باش نعرف أن هاد الفكرة حقيقية؟ 

مايمكنش تكون هاادي مجرد مبالغة ولا تعميم خديتو فالطفولة ديالي؟ مااشي ممكن أن هاد لفكرة هي فكرة ديال دري صغير و ماشي إنساان نااضج؟

🔴بقاا تسول رااسك هاد الأسئلة حتى عقلك يقوليك "واا يمكن هاد الفكرة مااشي بصح 100٪". 

من بعد فااش عقلك يعترف بأن هاد الفكرة مااشي صحيحة 100٪، دوز للخطوة الثاانية. 

2️⃣ثاني خطوة هي تخلي رااسك يبغي يتخلص من هااد لفكرة 

رااسك ايبغي يتخلص من هاد لفكرة فااش ايعرف بلي هاد الفكرة تتساوي الألم و غاادي تضروا فخاطروا.  

سول راسك: كيفااش تنحس فااش تنقبل هاد الفكرة؟ تنكون مرتااح ولا مستريسي؟ 

يلا بقاات عندي هاد لفكرة، شنو لي ايضيع لييا من حيااتي؟ وااش نبغي نعيش حيااتي ديماا و هاد لفكرة وااحلة لييا فرااسي و مرضااني!

🔵فااش دمااغك ايحس بالألم النفسي و ايعرف بأن هاد الفكرة حارمااه من الطمأنينة و الرااحة النفسية ايبغي يتخلص من هاد لفكرة. 

3️⃣ثالت خطوة هي تخلي رااسك يبغي يتخلص من هاد الفكرة فخطراا

فااش تتخلي دماغك يحس بالألم نتيجة لهاد الفكرة، ايبغي يتخلص منها فالمدى القصير. و لكن الطريقة بااش تخلي دمااغك يبغي يتخلص منها ديماا هي السعاادة. 

سول رااسك: كيفااش غاادي نحس يلا هاد الفكرة ماكنتش عندي فرااسي؟ يلا ماعمري مافكرت انني نااقص، انكون سعيد ولا لاا؟

شنو هوماا لحواايج لي اندير و التجاارب لي انعيش يلا هاد لفكرة ماكاانتش؟ 

و غمض عينيك و حس بلي هاد لفكرة مشاات، و تخاايل الرااحة النفسية لي اتحس بيها فاش هاد الفكرة اتمشي فخطراا. 

4️⃣دير فكرة جديدة. 

يلا لفكرة الساابقة عندك هي "انا نااقص" ولا "انا ماشي ديال الحب" ولا "شي مشكل فييا" 

الفكرة الجديدة دياالك خاصها تكون العكس: "اناا مزياان كيف ما اناا" ؛ "انا ديال الحب" .... 

5️⃣تبت ديك الفكرة فرااسك مزياان 

هاد لفكرة جديدة لي غادي تدير، اتطير يلا مالصقتيهاش فدمااغك، و الطريقة بااش تلصقها هي تجيب أدلة. 

سول رااسك، بااش عرفت رااسي مافيا حتى شي نقص. شنو هوما الأدلة على هاد القضية. مثلاا:

🔵دمااغناا هي تيكدب علينا فااش تيقول كااين شي نقص 

🔵كل إنساان متميز 

🔵تفكر لحواايج لي زوينين فيك

🔵تخايل رااسك تتهضر مع شي حد عزيز علييك و شوف واش اتقوليه فيك نقص 

و جيب أمثلة كتر بااش تخلي ديك لفكرة تلصق فرااسك. 

6️⃣بقاا تعاودهاا

ٱخر حااجة تدير بااش تلصق ديك لفكرة فرااسك هي تبقى تعاودها ديماا مع رااسك. 

تقدر تسمع للموسيقى ولا القرٱن ولا تنوض تنقز ولا تشطح ولا دير الرياضة ولا دير اي حااجة بااش تحس بوااحد الطااقة إيجاابية. 

بقاا تعاود هاد العباارة كل نهاار حتى تولي جزء منك و تبدل الفكرة لقديمة. 

و ماتنسااش أنك تخدم هادشي فحيااتك من داباا للقداام. و ماتخليش هادشي يكون غي شي معلومة لي تتقراها فقط. 

و هكاا أتكون بديتي فأنك تتحكم فالسعادة ديالك. 

بييييييس 🐸✌️