شكون لي حس بالنقص شي مرة؟ فشي جزء من حياتو؟

اما حس بالنقص حيت ماتيقرااش مزياان، ماخداامش، مازوينش، ماغليضش، مارقيقش، ماطويلش؟ 

مهم حس بالنقص فحيااتو؟

تنظن كولشي! 

و لكن إمتاا و علااش تيجي هاد الشعور بالنقص!؟

فااش تنكونو صغاار ماتيكونش عندناا هاد الشعور حيت تنلقااو واليديناا و النااس لي فالمحيط ديالناا تيبغيونا بزااف، تيديرو لينا أي حااجة. 

تيجيبو لينا المااكلة، تيظفوناا، تيلبسونا، و واخاا حناا نكونو موسخيين تيبقااو تيبغيونا حيت واليدينا و حيت فديك اللحظة تيكونو مبنجين بهرمون "الأوكسيتوسن". 

و لكن هاد البنج ماتيدومش. تيجي وااحد الوقت لي تنبدااو نكبرو فيه شوييا، و ماتيبقااش داك البنج خداام. 

و على عكس شحاال هادي، داباا تتولي يلا بكيتي ولا غوتي ولا درتي شي حااجة، واليديك ماتيعاملوكش بنفس الطريقة. 

يقدرو يغوتو عليك، ولا يضربوك، ولا يديرو أسوء حااجة لي هي يتجااهلوك. 

و فديك اللحظة تنحسو بالخوف حيت حناا عارفيين بلي محتاجين واليدينا فداك السن و مانقدروش نعيشو بلا بيهوم. 

صوو فديك اللحظة، تنديرو شي حركة باش ناخدوا الإنتباه ديالهوم: تقدر تغوت كتر باش واليديك يجي لعندك و يهتمو بيك، ولا تقول شي حاجة بااش ضحكهوم، ولا تبكي، ولا تدير شي حااجة زويينة لي هوما باغيين بااش ينتابهو ليك. 

و شي حااجة من هادو تتصدق، و ديك لحااجة لي تتصدق لينا فأن حناا ناخدوا الإنتبااه ديال واليدينا، تتولي جزء من طبيعتنا. 

هكاا الإنساان تيكبر و يولي إماا شخص معصب، ولا شي كوميدي، ولا بكااي، ولا شي حد لي مهووس بإرضااء الناس. 

ديك الطريقة بااش جبدناا الإنتبااه ديال واليدينا، تتولي جزء من حياتنا و تتولي أسلوب لي تنخدموه ديماا. 

و فهاد المرحلة هاادي تنحسو بلي حناا ناقصيين، خاصنا نديرو شي حااجة بااش ناخدو الحب ديال واليدينا. حيت كون ماكنااش ناقصيين، كون راه وااليدينا جااو لعدناا بدون أي مجهود مناا. 

و هاادي تتكون بداية ديال حياة من العقد و المغالطات النفسية لي تنعيشو معاهاا. 

بطبيعة الحال، هادشي كولو يمكن يتغير، و فالبوسط الجااي غاادي نهضروا على كيفااش تغيروا و كيفااش تخلص من هاد الفكرة و تعرف بلي نتا إنساان واخاا ماتكونش مثالي ولا كاامل، تتبقى إنساان لي ماناقصك والو. 

إنساان لي يستحق الحب و النجاح و السعادة و أي حااجة بغاا فحياتو، غا حيت إنساان. 

ماتنسااش هاد القضية. 

بييييس & لاااڤ 💓🐸