عندك شي أغنية لي فااش تتسمع ليها تتسمع ليها تتفكر شي يامات لي دوزتي؟ 

أولا فااش تتشوف رسوم ديال الطفولة تتحس برااسك رجعتي لداك الوقت فين كنتي سعيد و ماتتفكر فتا حااجة؟

أولاا، تترجع تشوف لقطات من كاس العالم و تتسمع ديك العبارة ديال "للتااريخ" و تتشدك تبوريشة عااود؟

شنو القااسم المشترك بين گااع هاد لحواايج؟ القااسم المشترك هو هاادو أمثلة على "anchoring" لي هضرنا عليها من قبل، و غاادي تخليك تحس بالسعادة او الثقة بالنفس فاي وقت لي نتا بغيتي. 

ذكرت من قبل بلي كان عندي واحد القسم لي ماتنحملش و ماتنبغيش نقري. و لكن بدلت هاد القضية بواحد 3 ديال الخطوات بسااطين. و تقدر حتى نتا تدير هاد الخطوات يلا بغيتي تبدل الشعور دياالك فشي وضعية لي تتكون مامرتااحش فيهاا. 

1️⃣الخطوة الأولى هي كنت فالداار و طلقت واحد الأغنية لي تتخليني سعيد و درت بزااف ديال لحواايج لي خلااوني فرحاان و مرتااح. بإختصاار، حطيت راسي فواحد الحالة إيجابية و كنت تنحس بشعور زويين. 

2️⃣الخطوة الثاانية هي فااش حسيت برااسي سعيد بزااف، فأوج ديك الحاالة الإيجاابية ضحكت و فرقعت صبعااني بزااف ديال المراات. و فااش snapped صبعي بزااف ديال لمراات، خلقت فهاد اللحظة وااحد ل anchor. أي كيماا قلناا من قبل، ربطت الشعور الإيجاابي ديال السعاادة لي كنت تنحس بيه بهاديك الحركة. 

3️⃣الخطوة الثاالتة هي مشيت نقري داك القسم و فوسط الحصة فااش بديت تنحس بدوك المشااعر السلبية تجااه دوك التلاامد، snapped صبعي عوتااني. و فديك اللحظة فااش درتهاا رجعت تنحس بدوك المشااعر الإيجاابية لي كنت تنحس بيهوم فالدار. و بقيت تنديرهاا بزااف ديال المراات حتى داك الشعور الإيجاابي ديال السعادة لي أنا خلقت طغاا على داك الشعور السلبي. 

و يلا تبعتي هاد 3 ديال الخطوات، تقدر تخلص من أي شعور سلبي لي تتحس بيه فأي وضعية و تولي فرحاان كتر فديك الحاالة اولاا تاايق فرااسك. 

مثلا: تيجيك ستريس فااش تتكون ادوز امتحان ولا مقابلة عمل؟ تبع هاد 3 ديال الخطوات:

🔴 فداركوم دير أغاني و نقز و شطح ولا تفرج فشي حاجة تاضحك. مهم هو تخلي رااسك سعيد فداك الوقت. 

🔴دير شي حركة مميزة ولا قول شي عباارة فشكل. 

🔴فااش تكون فداك الإمتحان ولا مقابلة عمل دير ولا قول ديك الحركة ولا العبارة المميزة. 

و شحاال ماغاادي تديرها بكثرة، و شحاال ماكنتي سعيد فاللول فااش ختاريتي ديك الحركة، شحاال ماغاادي تعطيك نتاائج إيجاابية. 

صوو، كيما العادة، ماتنسااوش أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم المرة الجااية فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️