كيداايرا علاقتك مع نفسك؟

كيفااش تتعامل رااسك يلا خطأتي مثلا؟ تتهضر مع رااسك بنفس الطريقة لي اتهضر مع إنساان لي عزيز عليك يلا تحط فنفس الموقف؟ اولا تتكون قااسي على رااسك؟ 

فهااد الوقت للأسف تتلقى بزااف قااسي على رااسو، أغلبية الناس تينتااقدو راسهوم بزااف حيت المجتمع خلاهوم يعتقدو أنه خااصك تكون إنساان مثاالي ولا ماعندكش قيمة. 

و كااين لي تيكون قااسي على رااسو و تينتقد رااسو بزااف باش زعما يزيد للقدام. و لكن راه العكس لي صحيح: شحاال مابغيتي راسك و بينتي هاد الحب فهضرتك مع راس شحال ماغادي تزيد للقدام. 

و ماتنقصدش بحب النفس أنك تكون نرجسي ولا يكون فيك جنون العظمة ولا تكون أناني فوق لقيااس. 

و لكن أنك تعامل رااسك بنفس الحب و الإحترام و المسامحة لي غاادي تعامل شخص اخور لي عزيز عليك. و تخلى على المقارنات و دوك المعايير لي مستحيل توصل ليها. 

مثلاا، أنا ديماا تنشكر رااسي فوق ماتيجيني الفرصة. 🐸 و ماشي من باب الغرور ولا النرجسية، و لكن من باب الثقة بالنفس و حب الذات بطريقة سليمة. 

1️⃣صوو من داباا للقدام، ولي نتاا أكبر مشجع لراسك.

2️⃣ و فااش تطيح فشي خطأ، تخايل ان شي حد عزيز عليك طااح فداك الموقف، و هضر مع راسك بنفس الأسلوب لي اتهضر مع داك الشخص. 

3️⃣دير شي حااجة لرااسك كل نهار ولا كل أسبوع. عرض على رااسك و خرج تاكل براا، تفرج فشي فيلم لي تيعجبك مع رااسك، شري لراسك حواايج، فتااخر برااسك، و كون احسن صديق ديال رااسك. 

4️⃣بغي رااسك رااك تستااهل. و حيد گااع الأفكار السلبية و الإنتقاداات الشخصية من رااسك. 

و ماتنسااوش أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

بييييييس 🐸✌️