شنو هي السعادة بالنسبة لييك؟

واش السعادة هي أنك تخدم و تدخل فلوس؟ تقراا و تكون نتاا اللول فالضومين ديالك؟ تساافر و تساارا العالم؟

ولا وااش هي أنك تفيق كل صبااح و نتاا بالصحة ديالك؟ تنوض تمشى على رجليك؟ تخرج للزنقة تضرب فيك الشمس؟ ولا غي تنفس و تحمد الله أنك عاايش!

كل وااحد و التعريف ديالو للسعادة، و هادي كانت هي اول حااجة بااش بدينا هاد لكتااب. 

لحااجة لي غادي نضيفو داباا هي أن السعادة مااشي بالضرورة انلقاوها فالأمور لكبيرة. 

السعادة تقدر تلقى فأبسط الأمور. 

الإنساان خاصوا غير يحل عينو و يحمد الله على أمور لي تتبان بسيطة و لكن يلا تحرمنا منهاا ماغااديش نعيشو فرااحة. 

أمور بحاال

1️⃣الصحة ديالنا

2️⃣العائلة ( يلا كانت شي عائلة دالربح ) 

3️⃣الإبتساامة و الضحك لي تاضحك حتى تيضرك وجهك

4️⃣شي إنساان فحيااتك لي تتعاود ليه أي حااجة وقعات ليك

5️⃣مااكلة زويينة لي تاطيبها ليك لواليدة ديالك

6️⃣تلقى شي فلووس لي نسيتي فشي بلااصة

7️⃣شي نعسة مور العصر لي تتخليك تنسى النهاار و العام لي حناا فيه

8️⃣تنعس و الشتاا كاتطييح بالجهد فالزنقة

9️⃣تدوش و تغني فنفس الوقت 

🔟تكون غاادي فالطريق و تفكر شي حااجة لي تاضحك و تجبد طيلي بااش النااس ماتقولش رااك حمق

*️⃣تشوف دراري صغاار تيضحكو و تيلعبو، ولا شي دري صغيير يشد ليك صبعك بيديه كااملة

#️⃣تخرج من الدوش ولا الحلاق ولا تلبس شي حااجة و تلقى رااسك جيتي زويين

🐸ولا تكون تتعرفني أناا 🐸

گااع هاد الأمور حواايج بسااط لي تتخلق السعادة، و لكن حناا تنسااوها. 

من داباا لقداام، بسطوا و سهلو السعادة على رااسكوم. حااول تكون سعيد بأبسط الأمور. 

ضحك كتر و بتااسم و عيش حيااتك. 

فكر وااش هاد الأمور لي مقنطااك اتهمك من داباا عام ولا 5 سنين ولا 10 سنين لفوق! و يلا ماكاانتش مهمة، نسااها و حيدها من باالك. 

السعادة زويينة، مانعقدوهااش ولا نصعبوها على رااسنا. 

تعلم تكون سعيد من واالو و غاادي تخلص من المعاناة و تحقق سعادة دائمة. 

بيييييس & لااااڤ & سعاادة 💓💓