شنو لي مهم كتر بالنسبة ليك؟ تحاافظ على الكلمة ديالك، ولا تحقق مصلحة شخصية ديالك؟ 

كل إنساان ايكون عندو جواب مختلف و تبرير مختلف. و كل إنساان غاادي يااخد قرارات و يعيش حياة مختلفة على حسب شنو مهم بالنسبة ليه. 

و شحال ماكاان الإنساان عندو وعي بهاد الأمور لي مهمة ليه ( القيم ديالو ) شحاال ماغادي يقدر يتاخد قرارات بسرعة و اياخد قرارات لي ماغاديش يندم عليها مستقبلا. 

صوو كيفااش نقدروا نطبقوا هادشي فحياتنا بااش نحققوا السعادة لي بغينا

1️⃣أول عرف القيم ديالك شنو هوما ( إيجابية و سلبية )

أمثلة على القيم ( الإيجابية ) هوما: الحب، المغامرة، التطور، الصحة، الراحة، الحرية، النجاح. 

أمثلة على القيم ( السلبية ) هوما: الغضب، الإكتئاب، الفشل، الإنتقاد، الرفض، الإحباط. 

هاادو قيم لي إماا تبغي تحققها حيت إيجابية، ولا تبغي تفاداها حيت سلبية. 

كأول خطوة، كتب جميع القيم لي عندك مهمة فحياتك. 

2️⃣رتبها 

الخطوة الثاانية هي رتب القيم ديالك. 

بالنسبة للقيم الإيجابية، اترتبهوم من أكثر وحدة باغي تحقق و تحس بيها فحيااتك لأقل وحدة من ناحية الأهمية بالنسبة ليك. 

بالنسبة للقيم السلبية، غادي ترتبها من أكثر وحدة تتكره و باغي تفادى لأقل وحدة خايبة بالنسبة ليك. 

3️⃣شوف وااش داكشي هو هذااك

من بعد ماتتعرف القيم ديالك، و تترتبهوم، شووف واش داكشي منطقي ولا غادي يسبب ليك مشاكل. 

🔵مثلا: يلا القيمة الإيجابية لولة فحياتك هي "النجاح" و القيمة لي تابعاها هي الراحة، هذاا غادي يسبب مشكل ليك. 

علااش؟

حيت بااش تنجح فحيااتك خااصك تنسى لواحد الفترة شنو هي الراحة و تقاتل باش تحقق أهدافك. 

يلا بقا هاد الترتيب نفسو، غادي تلقى راسك نهارات تتقاتل بااش "تنجح" و لكن دغياا تترجع لور و تتحبس بااش "ترتااح". و ماغااديش تمشي بعيد فحياتك. 

دااكشي علااش رتب حياتك بشكل منطقي. 

مثلا، تقدر تكون القيمة لولة هي النجاح و الثانية هي المغامرة. هادشي غاادي يخليك تقاتل و تغامر بااش تطور راسك. 

🔵مثال ثاني: يلا القيمة (الإيجابية ) لولة ديالك هي "النجاح" و القيمة ( السلبية ) لي خاايف منهاا هي الفشل، اتخربق فدمااغك. 

حيت من نااحية اتكون بااغي تنجح و لكن خاايف من الفشل فنفس الوقت، و اتبقى واحل فبلاصتك. 

🔴هادشي علااش رتب القيم ديالك و راجع الترتيب مزياان. 

4️⃣بداا تطبق داكشي

فااش تعرف القيم ديالك لي مهمة و ترتبها و يكون الترتيب منطقي، بداا تعيش بيهوم. 

فااش يكون خاصك تاخد شي قرار، رجع لهاد القيم ديالك و ختاار القرار لي تيتماشى مع المبادئ ديالك و عمرك ماتناازل عليهوم. 

و عمركوم ماتنسااو أنكم تخدمو هادشي فحيااتكم من داباا للقداام. و ماتخليوش هادشي يكون غي شي معلومة لي تتقراوها فقط. 

و هكاا أتكونوا بديتو فأنكم تحكموا فالسعادة ديالكوم. 

بييييييس 🐸✌️