عمرك حسيتي بالفراغ فالداخل ديالك؟ حسيتي بلي شي حااجة ناقصة؟ واخاا تكون عندك خدمة، الدار، لفلوس، و گااع داكشي لي الناس تاطمح ليها تقدر ماتكونش سعيد يلا نقصااتك واحد لحااجة. 

هاد الحااجة هي المبادئ. 

كل إنساان عندو مبادئ و قناعات ديالو لي متشبت بيها، و بغض النظر على وااش صحيحة ولا خاطئة، الإنساان خاصو يعيش بالمبادئ ديالو يلا بغا يحقق سعادة دائمة فحياتو.

واحد التعريف ديال السعادة لي زوين قريتو تيقول "السعادة الحقيقية هي فاش تتكون راضي على رااسك فااش ماتيكون معاك حد". 

و الحااجة لي اتخليك سعيد و راضي على حيااتك فاش تتكون بوحدك، مااشي هي شنو النااس تيقولو عليك ولا شنو هوما الأمور المادية لي عندك، و لكن واش نتاا عندك قيم و مبادئ و عايش بيهوم. 

و يلا كانوا عندك قيم و عشتي بيهوم، اتكون تتفيق كل صباح و نتاا حااس بالرضا على حيااتك، و اتعيش واحد الحياة لي خالية من الندم. 

حيت فالدااخل ديالك اتكون عاارف بلي اي حااجة درتي، كاديرهاا بالقناعة ديالك و تاحد مافارضها عليك. 

و لكن بعداا شنو هوما القيم؟ 

القيم هوما واحد الأفكار و معتقدات لي بالنسبة ليك مهمة، بحال: الصدق، الأمانة، الحرية ... و هاد القيم هي لي تتساعدنا نتاخدوا قرارات فحياتنا و داايرة بحال واحد البوصلة لي تتورينا الطريق لي نتبعوا. 

فااش تنتبعوا هاد البوصلة الداخلية و تنمشيو فالطريق لي عارفين راسنا خاص نمشيو فيه، تنحققوا سعادة و رضا على النفس و لكن فااش ماتنتبعوش هاد القيم ديالنا تنكونو ماراضيينش على حياتنا و نقدروا نوصلوا للإكتئاب. 

هاد لبوسط كان غي تقديم عام، و فلبوسط الجااي غادي نشوفوا كيفااش تعرف القيم ديالك، ترتبهوم حسب الأولوية، و تعيش بيهوم باش تحقق سعادة فحياتك. 

بييييس ✌️🐸