هضرنا لمرة لفايتة على الشعور لي تتحس بيه فااش تتلقى مشااكل لي كبيرة و نتا ماقاادرش تعاامل معاهاا.

داباا اندوزوا لامور عملية لي اتعاونك تعامل مع هاد المشاكل.

خاصنا نتخلصوا من 3 ديال الطرق ديال التفكير لي تتسبب لينا المعاناة فهاد الحاالة.

1️⃣اولا، تنعتقدوا أن المشكل غاادي يبقى ديما.

فااش تتعيش فوسط الدبااز و المشااكل تاظن انهم غاديين يبقااو تابعينك حيااتك كااملة.

🔴فهاد الحاالة تيخصك تفكر رااسك ان هادشي غاادي يتغير مستقبلا.

و احسن حااجة بااش تفكر رااسك ان هاد المشكل ماغاديش يبقى ديما هي انك تدير أهدااف فحيااتك.

مثلا، يلا عندك مشااكل عائلية و نتا فالباك، فكر رااسك انه غاادي تشد لبااك و تمشي تقرا فشي مدينة بعيدة على داركوم. فكر راسك انك غادي تشك لبااك و اتخدم فبلااصة بعيدة.

⚪لمهم خااص يكون عندك أهدااف لي دايرها فباالك و اتفكرك أنه وضعيتك اتغير.

2️⃣تنعتقدوا ان المشكل غادي يأثر على حيااتنا كاملة.

مثلا، يلاا كان عندك مشاكل عائلية، تقدر تفكر أنه هاادشي غاادي يخرج ليك على صحتك، قرايتك، علاقاتك مع النااس و غيرها.

جاانب واحد ايدمر ليك كولشي.

🔴الحل هو انه يكون عندك شي مجالات لي نتاا متميز فيهوم.

مثلا، تعطي الوقت لقراايتك و تكون متوفق فيها ( واخا شوييا صعيبة بسبب المشاكل ) ولا تدير شي هواية، ولا تدوز وقت كتر مع صحاابك.

⚪المهم هو يكون عندك شي جاانب فالحيااة لي زويين و تحس بالرااحة فيه و تحس بلي حيااتك رااه مااشي كلها عذااب.

3️⃣تنعتقدوا أن المشكل متعلق بينا.

بزااف ديال لمراات فاش تنبغيو شي حااجة و ماتتصدقش، تتقول مع رااسك "ماالي أناا". تنبقااو نلومو راسنا و نشوفو ان حنا سبب المشكل، في حين ان المشكل خاارج عليينا.

🔴الحل فهاد لحاالة هو تشوف نااس لي تيعاانيو من نفس المشكل ولا اي مشكل اخوور، و ديك السااعة تسمع ليهوم و ايباان ليك بأن راه مااشي هوما السبب فالمشكل و اتفكر رااسك ديك السااعة و اتحس بلي حتى نتاا مااشي سبب المشكل لي عاايش فيه.

واخاا عقلك يبغي يقنعك أنك نتا سبب المشكل ماتيقوش، و ديما عرف بلي أي مشكل عندو واحد الحد، و بلي تا مشكل ماغادي يدمر ليك حيااتك كااملة.

كااين نصاائح و امور أخرى لي تقدر تسااعد و لكن نكتفيو بهاد القدر.

بييييس ✌️🐸