لحد الٱن هضرنا على الخطورة ديال المشاكل العائلية و التأثير ديالها على الدمااغ، و داباا غادي نشوفوا أمور عملية كيفااش تعامل مع الستريس و تحسن حاالتك النفسية.

🔵 كيفااش تنقص من الستريس

1️⃣خصص شوييا من وقتك لأمور تتستمتع بيها بحال تفرج فأفلام، سيريات، أنيم، تخرج تسارا. هادشي تينقص من ستريس و تيخليك تنسى المشاكل ديالك.

2️⃣تعلم تقنيات الإسترخاء: أمور بحال التنفس العميق، التأمل و اليوغا تتسااعدك أنك تسترخى كتر و تكون سعيد. و شرحتها بتفصيل فٱخر كتااب صاايبت.

3️⃣دوز وقت مع الناس لي تتبغي: فاش تيكون عدنا مشاكل عائلية، دماغنا تيبعدنا على الناس حيت تنعتقدوا أنه يلا العائلة لي من المفترض تتبغينا سببات لينا الألم، فراه النااس لوخرين غاادي يسببوا لينا ألم و معاناة كبر.

و لكن فبزااف ديال الأوقات تتلقر خير فلبراني على لعائلة + مانقدورش نعيشو منعزلين 100٪، لهذا دير صحاابك و دوز شي وقت معاهوم.

🔴كيفااش تهتم بنفسك

فااش تيكون عدناا مشااكل خصوصا مشاكل عائلية، تنهملوا راسنا و تنسااو أن حناا نديرو شي أمور بسااطين. لهذاا خاصنا نتفكروا ديما هاد الأمور:

4️⃣نعسوا مزياان: الجسم تيحتااج ما بين 7 حتى ل 8 ديال سواايع ديال نعاس. و يلا مانعستيش مزياان، غاادي تكون تتغضب و تتقلق دغياا و هاادشي ايزيد يخليك تعاني كتر من الجانب النفسي. و العكس صحيح بطبيعة الحال.

5️⃣طريني مزياان: الجري، لونطريما، السباحة و اي رياضة تاطلق الإندورفين فالجسم. هاد الهرمون تيخليك سعيد و تتولي عندك واحد القوة و مناعة نفسية لي تتسهل عليك التعامل مع المشاكل.

6️⃣تااكل مزياان: كااين لي تيهمل لمااكلة فاش تيكون عندو المشاكل، و لكن هاد لقضية تتزيد دير واحد لفكرة فراسك: أنك نتا تتستااهل دوك المشاكل و تتستااهل العداب. لهذا ماتهملش هاد القضية.

⚪كيفااش تعاامل المشاكل بصفة عاامة

7️⃣كتب المشاكل ديالك و شنو تتعاني منو: يلا كنتي من النوع لي ماتيبغيش يعاود المشاكل ديالو للناس لوخرين حيت ماتيبغيش الناس يشفقوا عليه، يبان ضعيف ولا غي تتقول أن النااس ماعندهوم فااش يعاونوك، تيخصك تكتب المشاكل العائلية لي عندك.

علااش؟

لكتاابة ديال المشاكل ديالك و باش تتحس، تتعاونك أنك تفهم المشاعر ديالك، تحس بيهوم و ماتهربش منهوم، تفهم رااسك، و تيعااونك أنك تخلص من هاد المشاكل بطريقة سليمة.

8️⃣حمد الله على الأمور الزويينة: يلا كان عندك شي فرد فالعائلة لي ديما تينتقدك و فيه النگيير، غادي يأثر عليك و تحس بلي نتا فاشل و بلا قيمة.

الحل هو أنك نتا تشوف الأمور الزويينة فحيااتك الشخصية، المهنية، ولا الامور الزويينة لي فيك و تحمد الله علييها.

ديما فكر فالامور الزويينة لي فيك ولا كتبها و حمد الله عليها.

9️⃣عااون نااس خريين: المشاكل العائلية بالخصوص تتخليك تحس بلي ماعندك قيمة حيت لبلااصة لي من المفترض أنك تكون سعيد فيها تتحس برااسك مكروه و معرض للضغط.

وااحد من الطرق بااش تخلص من هاد الشعور هو أنك تعااون نااس خرين بأي طريقة ممكنة.

تقدر تكون تتعاون النااس يتعاملوا مع المشااكل لي نتاا تادوز منهاا ديك السااعة و فهاد الحالة نتاا تقدر تلقى حلول للمشاكل ديالك بلا ماتقصد.

و تقدر تكون تتسمع للناس و تتعاونهوم فشي مشاكل مختلفة تماما، و فهاد الحاالة اتحس بلي حيااتك عندها معنى.

فكلتا الحالتين غاادي تحس بالفخر برااسك و غاادي تنسى و تبعد على المشاكل ديالك.

⚫أغلب هاد الحلول لي قلت تتبقى حلول قصيرة المدى، و أحسن حااجة هي انك تخرج من ديك البيئة فخطرا.

و لكن لي ماايقدرش انه يخرج من ديك لبيئة هاد الحلول اتسااعدك انك تحس بشوييا ديال الرااحة فوسط داك المحيط لي عاايش فيه.

ييييييس ✌️🐸